ဖေဖော်ဝါရီလ ၁ရက်နေ့ကတည်းက ပြောင်းလဲခဲ့တဲ့ နိုင်ငံရေးအခြေအနေတွေမှာ ပြည်သူလူထုနဲ့အတူ တစ်သားတည်း ရပ်တည်ခဲ့တဲ့ အနုပညာရှင်တွေထဲမှာ အဆိုတော် ကော်နီကလည်း တစ်ယောက်အပါအဝင်ပါ။ ဒါ့အပြင် ကော်နီက ပြည်သူတွေနဲ့အတူ နေပူထဲမှာ အပင်ပန်းခံကာ လူထုလှုပ်ရှားမှုမှာလည်း တစ်ထောင့်တစ်နေရာကနေ ပါဝင်ခဲ့ပါသေးတယ်။ လက်ရှိဖြစ်ပေါ်နေတဲ့ အခြေအနေတွေကိုလည်း သူမရဲ့ ဖေ့ဘွတ်စာမျက်နှာထက်မှာ တင်ပေးလေ့ရှိတာဖြစ်ပါတယ်။
ယနေ့မှာလည်း အဆိုတော် ကော်နီက မျက်စိရှေ့မှာ မြင်တွေ့နေရတဲ့ မတရားမှုတွေကို ငြိမ်မခံနိုင်တော့ပဲ လူမှုကွန်ယက် ဆိုရှယ်မီဒီယာထက်မှာ စာသားအချို့ရေးသားတင်ပေးလာခဲ့ပါတယ်။ ဒါကတော့ " လူ့လောကမှာ,လူ့ပတ်ဝန်းကျင်မှာ လိုက်နာရမယ့်ကျင့်ဝတ်တွေ, စောင့်ထိန်းရမယ့်လောကနိယာမတရားတွေကို မသိကြတော့ဘူးလား ရှင်တို့,ကိုယ်ပိုက်ဆံပေးငှားထားတဲ့ အိမ်ကူ, အလုပ်သမားကိုတောင်, လူ့ကျင့်ဝတ်နဲ့အညီပဲ ပြောခွင့်ခိုင်းခွင့်, ရှိကြတော့တဲ့ ...
အခုခေတ်ကြီးထဲမှာ,လက်နက်မဲ့ပြည်သူကို, လက်နက်နဲ့ချိန်းခြောက်,သေနတ်နဲချိန်တာ သေအောင်ပစ်သတ်နေကြတာ,ရက်ရက်စက်စက်ရိုက်နှက်ခံနေကြရတာတွေ,ဒီလိုဥပဒေမဲ့လုပ်ရပ်တွေကို ငြိမ်ခံကြရမယ့်,ခေတ်မို့လို့လား " ဆိုတဲ့ စာသားတွေပဲ ဖြစ်လို့ ပရိသတ်တွေထံ ပြန်လည်တင်ဆက်ပေးလိုက်ပါတယ်။ အခုလို အခြေအနေမျိုးမှာ ပြည်သူတွေနဲ့အတူ တစ်သားတည်း ရှိနေခဲ့တဲ့ အဆိုတော်ကော်နီ အတွက်လည်း ပရိသတ်တွေက ကောမန့်မှာ အားပေးစကားတွေပြောပေးခဲ့ဖို့ တောင်းဆိုလိုက်ပါတယ်။
သတင်း အရင်းအမြစ်៖ Source - Tun Connie's facebook account