စမ်းချောင်းမြို့နယ်အတွင်းမှာတော့ ဒီကနေ့မနက်ပိုင်းလောက်ထဲက ဆန္ဒထုတ်ဖော်တဲ့ ပြည်သူတွေများစွာရှိခဲ့ပါတယ်။
ဆန္ဒပြပြည်သူတွေဟာ စမ်းချောင်းမြို့နယ်အတွင်းက လမ်းသွယ်တွေမှာ ငြိမ်းချမ်းစွာ ဆန္ဒထုတ်ဖော်ခဲ့ကြပေမယ့် ဖြိုခွင်းခံရမှုတွေ ရှိနေပါတယ်။
မနက်ကနေ ယနေ့မွန်းလွဲပိုင်းအထိ ဆိုရင်
မျက်ရည်ယိုဗုံးတွေနဲ့ လူစုခွဲဖြိုခွင်းခံရတာ နှစ်ကြိမ်တိုင်တိုင် ရှိနေပြီဆိုပေမယ့်လည်း ဆန္ဒထုတ်ဖော်တဲ့ ပြည်သူတွေရှိနေသေးတာကို တွေ့ရပါတယ်။
ယခုမြင်တွေ့နေရတဲ့ ပုံရိပ်တွေဟာဆိုရင်လည်း စမ်းချောင်းမှာ နှစ်ကြိမ်တိုင်တိုင် ဖြိုခွင်းခံရပြီးနောက် ပြန်လည်လူစုပြီး ဆန္ဒထုတ်ဖော်နေကြတဲ့ ပြည်သူတွေရဲ့ ပုံတွေပဲ ဖြစ်ပါတယ်။
ဆန္ဒပြပြည်သူတွေဟာ ကျွေးကျော်သံတွေနဲ့အတူ လက်ထဲမှာလည်း ဆိုင်းဘုဒ်တွေကိုင်ဆောင်ပြီး ငြိမ်းချမ်းစွာ ဆက်လက်ဆန္ဒထုတ်ဖော်နေကြတာကို တွေ့ရပါတယ်။
ဆန္ဒထုတ်ဖော်နေတဲ့ ပြည်သူတွေရဲ့ရှေ့မှာတော့ ဒိုင်းကာတွေနဲ့ လူငယ်တစ်စုဟာ ကာကွယ်ပေးနေတာကိုလည်း တွေ့ရပါတယ်။