ဘူတာအတွင်းရောင်းချအစာများတွင် ယင်ကောင်၊ကြွက်နဲ့ပိုးဟတ်များပါဝင်နေ

ဘူတာရုံတွေနဲ့ မီးရထားတွေပေါ် ရောင်းချတဲ့ အစားအစာတွေဟာ စားသုံးဖို့မသင့်တော်ဘူးလို့ တရားဝင်အစီရင်ခံစာတစ်စောင် ထုတ်ပြန်လိုက်ကြောင်း Zee Business မှာဖော်ပြထားပါတယ်။

အိန္ဒိယ ငွေစာရင်းကြီးကြပ်ရေးနဲ့ စာရင်းစစ်ချုပ်(CAG)ရဲ့ နှစ်စဉ်ထုတ်ပြန်နေကျ အစီရင်ခံစာအရ အိန္ဒိယနိုင်ငံရှိ မီးရထားအစီးရေ (၈၀)နဲ့ဘူတာရုံ (၇၀)ကျော်မှာ စစ်ဆေးချက်အရ အချို့ အစားအစာတွေဟာ အဆိပ်သင့်နေပြီး ထုတ်ပိုးထားတဲ့ အစားအစာတွေဟာလည်း ရက်လွန်နေတယ်လို့ ဖော်ပြထားတာပါ။

ဘူတာအတွင်းဗန်းထဲထည့်ရောင်းတဲ့ အစားအစာတွေမှာလည်း ယင်ကောင်တွေ၊ ကြွက်တွေနဲ့ ပိုးဟတ်တွေနားထားတာကြောင့်မသန့်စင်ဘူးလို့ အစီရင်ခံစာမှာဖော်ပြထားပါတယ်။အိန္ဒိယနိုင်ငံဟာ ကမ္ဘာပေါ်မှာ ကြီးမားဆုံး မီးရထားကွန်ရက်တွေရှိတဲ့ နို်င်ငံတွေထဲက တစ်နို်င်ငံဖြစ်ပြီး နှစ်စဉ် ရထားစီးခရီးသည် သန်း(၂၀)ကျော် ရှိပါတယ်။

Aung 

သတင်းအရင်းမြစ် Zee Business