ပရိသတ်ကြီးရေ.. ဆွဲဆောင်မှုရှိတဲ့အသံချိုချိုလေးတွေကြောင့် Myanmar Idol ပြိုင်ပွဲကြီးကနေ ပရိသတ်တွေရဲ့အသိအမှတ်ပြု အားပေးချစ်ခင်မှုတွေကို များစွာရရှိထားတဲ့ အဆိုတော်မလေး နီလန်းကိုတော့ ပရိသတ်တွေနဲ့အထူးတလည်မိတ်ဆက်ပေးစရာ မလိုတော့ပါဘူးနော်..။
အောင်မြင်တဲ့ အနုပညာရှင်တစ်ယောက်အဖြစ် ရပ်တည်နေပြီဖြစ်သလို ချင်းတိုင်းရင်းသူလေးလည်းဖြစ်တဲ့ နီလန်းကတော့ လက်ရှိအခြေအနေတွေမှာ အားလုံးနဲ့အတူ ရပ်တည်နေသလို တတ်နိုင်တဲ့ဘက်ကနေလည်း လှုပ်ရှားမှုတွေ ပြုလုပ်နေသူပါ..။
အနာဂတ်နဲ့အမှန်တရားတွေအတွက် ကြိုးစားရင်ဆိုင်နေကြတဲ့ပြည်သူတွေအားလုံးနဲ့အတူ နီလန်းကလည်း လူထုလှုပ်ရှားမှုတွေမှာ ကိုယ်တိုင်ပါဝင်လှုပ်ရှားနေပြီး အလှူလေးတွေကို တတ်အားသရွေ့လှူဒါန်းနေတာကိုလည်း တွေ့ရပါတယ်..။
တော်လှန်ရေးတိုက်ပွဲကြီးမှာ အသက်ပေးကျဆုံးသွားတဲ့သူရဲကောင်းတွေအပြင် အသက်မဆုံးရှုံးပေးပေမယ့်လည်း အမျိုးမျိုးပေးဆပ်ခဲ့ကြတဲ့ ပြည်သူ့သူရဲကောင်းတွေအတွက် ချင်းတိုင်းရင်းသားဂီတမောင်နှမတွေ ဦးဆောင်ပြီးပြည်တွင်းပြည်ပ အလှူရှင်တွေနဲ့အတူ စုပေါင်းလှူဒါန်းထားတာ ဖြစ်ပါတယ်..။
"ဒီနေ့ အားလုံးကိုယ်စား
Nicholas Jenevy Sui David Lai Nilen တို့
ကိုယ်တိုင်ကိုယ်ကျ သွားရောက် လှူဖြစ်တာလေးတွေပါ...
ချင်းဂီတမောင်နှမများ ဦးဆောင်းပြီး
ပြည်တွင်းပြည်ပ ကနေ တကယ့်ကို လှူချင်တဲ့စိတ်နဲ့ အလှူလေးတွေပါဝင်ပေးကြတဲ့ စေတနာရှင်များနဲ့အတူစုပေါင်း လှူဒါန်းခြင်းများဖြစ်ပါတယ်...
အလှူရှင်များအားလုံး ဒီထက်မက လှူနိုင်ကြပါစေ...
စုပေါင်း အလှူငွ စုစုပေါင်း - သိန်း 110 ရရှိခဲ့ပါတယ် (4ရက်အတွင်း)
ကျန်ရှိတဲ့ အလှူငွေများကိုလည်း သေသေချာချာ Manage လုပ်ပြီး တကယ်လိုအပ်တဲ့သူတွေကို ထပ်ပြီးလှူပါမယ်...
ပြိုင်တူတွန်းရင် ရွေ့ပါတယ်...
အားလုံးကို ကျေးဇူးအထူးတင်ပါတယ်...
ဘုရားသခင်ကောင်းချီးပေးပါစေ ??
အရေးတော်ပုံ အောင်ရမည် ✊?.." ဆိုပြီး သူမတို့ရဲ့ အလှူလေးကို နီလန်းက ဝေမျှထားတာပါ..။
သတင်း အရင်းအမြစ်៖ Nilen - နီလန်း Fb Acc