ဒီကာလမှာ သူ့ကိုယ်သူ သရုပ်ဆောင်လို့တောင် မေ့လျော့နေပြီး အိမ်မှုကိစ္စတွေကိုလည်း ကိုယ်တိုင်လုပ်တတ်နေပြီဆိုတဲ့ မင်းမော်ကွန်း

ရုပ်ရှင်သရုပ်ဆောင်မင်းမော်ကွန်းကတော့ ပြည်သူချစ်တဲ့အနုပညာရှင်တစ်ယောက်ပီပီ လက်ရှိအခြေအနေမှာ ပြည်သူတွေနဲ့ တစ်ဘက်တည်း ရပ်တည်နေတာဖြစ်ပါတယ်။မင်းမော်ကွန်းရဲ့ဖေဖေ ဦးဇင်ဝိုင်းကလည်း အသက်အရွယ်ကြီးရင့်နေပေမယ့် လူငယ်တွေလိုပဲ တက်တက်ကြွကြွရှိပြီး နေ့တိုင်းလမ်းပေါ်ထွက်နေတာဖြစ်ပါတယ်။မင်းမော်ကွန်းတို့ သားအဖနှစ်ယောက်ကတော့ အနုပညာညီအစ်ကိုမောင်နှမတွေနဲ့အတူ ရဲရင့်ပြတ်သားစွာနဲ့ အမှန်တရားအတွက် ရင်ဆိုင်နေကြတာဖြစ်ပါတယ်။

မင်းမော်ကွန်းက ပြည်သူတွေရဲ့ရှေ့ကနေ အော်လံကြီးကိုင်ပြီး အာခေါင်ခြစ်အော်ကာ သတ္တိအပြည့်နဲ့ ပါဝင်လှုပ်ရှားနေတာဖြစ်ပါတယ်။မင်းမော်ကွန်းတို့လို အနုပညာရှင်တွေက နဂိုကတည်းကလူသိများကျော်ကြားတဲ့သူတွေဖြစ်တာကြောင့် သူတို့ရဲ့လုံခြုံရေးကိုလည်း အထူးဂရုစိုက်နေရတာဖြစ်ပါတယ်။မင်းမော်ကွန်းက လက်ရှိမှာဆိုရင် ဘေးကင်းဖို့အတွက် ရှောင်တိမ်းနေထိုင်နေရပေမယ့် လူထုလှုပ်ရှားမှုတွေမှာလည်း တတ်နိုင်သလောက်ပါဝင်နေတာဖြစ်ပါတယ်။ဒီကာလမှာ အနုပညာရှင်တွေက ပြည်သူတွေနဲ့အတူ စည်းစည်းလုံးလုံးနေထိုင်နေကြတာဖြစ်ပါတယ်။

မင်းမော်ကွန်းက အခုချိန်မှာဆိုရင် သူ့ကိုယ်သူ သရုပ်ဆောင်တစ်ယောက်လို့တောင် မေ့လျော့နေပြီး ထမင်းလည်းချက်တတ်တဲ့အပြင် ကိုယ့်အဝတ်လည်း ကိုယ်တိုင်လျှော်တတ်နေပြီဖြစ်ပါတယ်။ဒါ့အပြင်လည်း သူက လမ်းပေါ်မှာခြေထောက်တွေနာကျင်အောင် လမ်းလျှောက်ပြီး နေပူထဲ ထီးမပါဘဲ ကတ္တရာလမ်းပေါ် နာရီပေါင်းများစွာထိုင်ကာပြည်သူတွေနဲ့တစ်သားတည်းရှိနေတာဖြစ်ပါတယ်။ဒါ့ကြောင့်မှလို့ ရုပ်ရှင်သရုပ်ဆောင်မင်းမော်ကွန်းကတော့အရမ်းလေးစားစရာကောင်းပြီး အားပေးရကျိုးနပ်တဲ့ အနုပညာရှင်တစ်ယောက်ဖြစ်ပါတယ်။

Source&Photo Credit:Kyaw Kyaw Htay Lwin’s Facebook Acc