သရုပ်ဆောင် မေတိုးခိုင်ကတော့ လူထုလှုပ်ရှားမှုတွေမှာ တက်တက်ကြွကြွ ပါဝင်နေတဲ့ သူတစ်ယောက်ပါ။ သူမရဲ့ Facebook Account ထက်မှာလည်း လက်ရှိအခြေအနေတွေနဲ့ သက်ဆိုင်တဲ့ ပိုစ့်တွေနဲ့ ပုံတွေကို ဝေမျှပေးလေ့ရှိတာလည်း ဖြစ်ပါတယ်။ ဒါ့အပြင် ပရိသတ်ပြည်သူတွေ သတိထားလိုက်နာသင့်တဲ့ စာသားအချို့ကိုလည်း တင်ပေးလေ့ရှိတာဖြစ်ပြီး မနေ့က သူမ ဖတ်မိတဲ့ မိုင်းဖုန်းဆရာတော်ကြီးရဲ့ မိန့်ကြားချက်ကို Shareကာ ပြန်လည်တင်ပေးလာခဲ့ပါတယ်။
ဆရာတော်ကြီးရဲ့ မိန်ကြားချက်အတိုင်း လိုက်နာကာ ညက ဘုရားရှိခိုးပြီး အိပ်ယာဝင်မိတာကြောင့် စိတ်အေးချမ်းကာအိပ်ပျော်ကြောင်းလည်း ရေးသားလာခဲ့ပါတယ်။ မေတိုးခိုင်က လူမှုကွန်ယက်ထက်မှာ " မင်္ဂလာရှိတာလေးနဲ့စ ရှယ်ချင်ပါတယ်။ စိတ်တွေပူလောင်ရလွန်းလို့ ခုတစ်လော ဘုရားတောင်မရှိခိုးဖြစ်။ ညက အိပ်မပျော်လို့ Facebook သုံးနေရင် post တစ်ခုတွေ့တော့ အသိလေးပြန်ဝင်လာတယ်။ တိုင်းသူပြည်သားတွေရဲ့ ကုသိုလ်၊ အကုသိုလ်နဲ့ နိုင်ငံတစ်နိုင်ငံက အများကြီးသက်ဆိုင်ပါတယ်တဲ့။
အဲ့တာလေးဖတ်ပြီး ညကဘုရားသေချာရှိခိုး အမျှဝေ ပြီးမှအိပ်တာ အေးချမ်းသွားတာတော့အမှန်ပဲ အိပ်လည်းပျော်သွားတယ်။ နိုင်ခါနီးမှာ ဖူးတို့ဘက်က မကောင်းဆိုးဝါးတွေပြုတ်အောင် တစ်ဖက်တစ်လမ်းက တူတူကူညီကြရအောင်။ ဒေါသနည်းနည်းလျှော့၊ လျှော့ဆဲ၊ ဘုရားပြန်ရှိခိုးကြမယ် " ဆိုပြီး ပရိသတ်ပြည်သူတွေကို အရင်လို ဘုရားရှိခိုးပြီး တရားတဲ့ဘက်ကနေ အနိုင်ရဖို့အတွက် နည်းလမ်းတွေပြောပြလာခဲ့တာပဲ ဖြစ်ပါတယ်။ ပြည်သူတွေ စိတ်ထိခိုက်ပြီး ဘုရားတရားမေ့လျော့နေချိန်မှာ သတိပေးကာ ရေးသားတင်ပေးလာတဲ့ မေတိုးခိုင်ရဲ့ စာသားတွေကို ပရိသတ်တွေထံ ပြန်လည်ကူးယူဖော်ပြပေးလိုက်ပါတယ်။
သတင်း အရင်းအမြစ်៖ Source - May Toe Khine's FB account