ရှေ့ဆုံးကနေ ဒိုင်းကိုင်ရင်း ညာလက်နဲ့ဘယ်ပေါင်ကို ကျည်ထိသွားပြီး အနည်းဆုံး(၂)ကြိမ်ခွဲစိတ်ရမှာဖြစ်လို့အလှူရှင်လိုအပ်နေသေးတဲ့ လူငယ်လေးတစ်ဦး

ပြည်သူလူထုကတော့ အခုကာလမှာ တစ်လှေတည်းစီးပြီး တစ်ခရီးတည်းသွားနေကြတာဖြစ်လို့  အရင်ကထက်ပိုစည်းလုံးနေကြတာဖြစ်ပါတယ်။Gen X,Y,Z တွေကလည်း ကျရာနေရာ အသီးသီးမှာ အစွမ်းကုန်ကြိုးစားနေကြတာဖြစ်ပါတယ်။အခုခေတ်လူငယ်တွေက တီထွင်ကြံဆနိုင်စွမ်းရှိကြတာကြောင့် အခုလိုအခြေအနေမျိုးမှာနည်းဗျူဟာအမျိုးမျိုးနဲ့ ပြင်ဆင်နေကြတာဖြစ်ပါတယ်။ငွေရေး၊ကြေးရေးတတ်နိုင်ကြတဲ့ ပြည်သူတွေကလည်းလိုအပ်တဲ့နေရာတွေမှာ တက်တက်ကြွကြွနဲ့ ပါဝင်လှူဒါန်းနေကြတာဖြစ်ပါတယ်။

လက်ရှိအချိန်ထိဆိုရင် လူထုလှုပ်ရှားမှုတွေမှာ ပါဝင်ရင်း အသက်ဆုံးရှုံးသွားရတဲ့ပြည်သူတွေလည်း အယောက်(၅၀)ကျော်နေပြီဖြစ်ပါတယ်။မနေ့ကဆိုရင်လည်း မြောက်ဒဂုံမှာ ဒိုင်းကိုင်ပြီး နောက်တန်းကပြည်သူတွေကို ကာကွယ်ခဲ့တဲ့ လူငယ်လေးကတော့ ညာဘက်လက်နဲ့ ဘယ်ဘက်ပေါင်ကို ကျည်ထိသွားခဲ့တာဖြစ်ပါတယ်။လူငယ်လေးက ဆယ်ကျော်သက်အရွယ်လေးပဲရှိသေးပြီး (၉)တန်းတက်မှာဖြစ်ပါတယ်။လက်ရှိမှာတော့ အဲ့ဒီလူငယ်လေးကဆေးရုံတက်နေရတာဖြစ်ပြီး နောက်ထပ်ခွဲစိတ်ရဦးမှာဖြစ်ပါတယ်။ဒီကလေးရဲ့ အခြေအနေကို ဘယ်သူမှလည်းသိပ်မသိသေးတာကြောင့် အလှူရှင်လုံးဝမရှိသေးတာဖြစ်ပါတယ်။

ပြည်သူတစ်ဦးကတော့ သူကိုယ်တိုင်လည်းသွားလှူရင်း”မြောက်ဒဂုံမှာ ကိုချစ်မင်းသူနဲ့  အတူဒိုင်းကိုင်ရင်း ကျည်ထိသွားတဲ့မောင်လေးပါ။ညာဘက်လက်နဲ့ ဘယ်ပေါင်ထိပြီး ဒီနေ့ပဲ ခွဲစိတ်ရတာပါ. အခုပဲဆေးရုံမှာ သွားကြည့်ပြီးပြန်လာတာပါ.. နောက်ထပ် အနည်းဆုံး ၂ ကြိမ်ခွဲစိတ်ဖို့လိုပါတယ်. အလှူရှင်လည်းလုံးဝမရှိသေးပါဘူး. ကာယံကာရှင် အဖေကိုယ်တိုင်ကလည်းအစက သူသားလေးဖြစ်တာတွေကို post တွေမတင်ခိုင်းပါဘူး အဲ့တာကြောင့် ဒီမောင်လေးဖြစ်တာကို ဘယ်သူမှမသိဘူးဖြစ်နေပါတယ်ရှင့်မောင်လေးကအခုမှ ၉တန်းတက်မှာပါ. ငယ်ငယ်ရွယ်ရွယ်လေးနဲ့ ညာလက်နဲ့ ဘယ်ပေါင်ထိသွားတာပါ. အမြဲဆုံးသက်သာပါစေမောင်လေးရေ.”ဆိုပြီး စေတနာရှင်တွေလှူဒါန်းလို့ရအောင် နှိုးဆော်ထားတာဖြစ်ပါတယ်။တိုက်ရိုက်လှူဒါန်းချင်တဲ့ အလှူရှင်တွေအတွက် လူနာအဖေရဲ့ဖုန်းနံပါတ်လေးကိုပါ ထည့်သွင်းဖော်ပြပေးလိုက်ပါတယ်နော်။

Source&Photo Credit : Original Uploder