မြောက်ဒဂုံမှာကျဆုံးသွားခဲ့တဲ့ ကိုချစ်မင်းသူအတွက် အလှူငွေသွားရောက်လှူဒါန်းရင်း အားပေးစကားပြောခဲ့တဲ့ မင်းမော်ကွန်းနဲ့ဘုန်းဆက်သွင်

လက်ရှိမြန်မာနိုင်ငံမှာဖြစ်ပေါ်နေတဲ့ အခြေအနေအတွင်းမှာ အနုပညာရှင်တွေအနေနဲ့လည်း ပြည်သူထဲကပြည်သူတွေပဲဖြစ်တာမလို့ တတ်နိုင်တဲ့ဘက်ကနေ ပရိသတ်တွေနဲ့တစ်သားတည်းရပ်တည်ကာ လှုပ်ရှားမှုတွေပြုလုပ်နေကြတာကို ပရိသတ်တွေအနေနဲ့လည်း တွေ့မြင်ကြမယ်ထင်ပါတယ်နော်။ အခုလိုမျိုးအားကြိုးမာန်တက်နဲ့ ကိုယ်တတ်နိုင်တဲ့ဘက်ကနေ ပါ၀င်အားဖြည့်နေတဲ့သူတွေထဲမှာဆိုရင် မင်းမော်ကွန်းနဲ့ ဘုန်းဆက်သွင်တို့ဟာလည်း ချန်ထားလို့မရတဲ့အနုပညာရှင်တွေပဲဖြစ်ကြပါတယ်....။

လူထုလှုပ်ရှားမှုတွေဟာ ယနေ့ထိတိုင်အရှိန်အဟုန်ပြင်းပြင်းနဲ့လုပ်ဆောင်နေကြတာဖြစ်ပြီး တစ်ဖက်မှာလည်း ဖြိုခွင်းမှုတွေကြောင့် ထိခိုက်ကျဆုံးသူတွေများပြားလာတာကိုလည်းတွေ့ရပါတယ်။ အခုလိုထိခိုက်ကျဆုံးသွားကြရတဲ့ သူရဲကောင်းတွေအတွက်လည်း ပြည်သူတွေဟာ တတ်နိုင်တဲ့ဘက်ကနေလှူဒါန်းမှုတွေပြုလုပ်ပေးနေကြတာဖြစ်ပါတယ်နော်.....။

အခုဆိုရင်လည်း မင်းမော်ကွန်းနဲ့ဘုန်းဆက်သွင်ဟာ ယမန်နေ့ကမြောက်ဒဂုံမှာကျဆုံးသွားခဲ့တဲ့ ကိုချစ်မင်းသူအတွက် လှူဒါန်းမှုတွေသွားရောက်လုပ်ပေးခဲ့ကြတာဖြစ်ပါတယ်။ ဒီအကြောင်းအရာလေးကို ဘုန်းဆက်သွင်ဟာ သူ့ရဲ့ Facebookစာမျက်နှာမှာ (သေရင်တောင်တန်တယ်) လို့ ညီလေးကပြောခဲ့သေးတာဗျာ ?

ကျွန်တော် အလှူ ငွေ ၁၁ သိန်း ၄ သောင်း လက်ခံရရှိ ခဲ့ပါတယ်။ ညီလေး ချစ်မင်းသူ အမျိုးသမီးကို ၈၂၀၀၀၀ ပေးအပ်ခဲ့ပါတယ်။မ/ဒဂုံ Defense Team အတွက် ၁၀၀၀၀၀ ပေးအပ်ခဲ့ပါတယ်။ဘဏ်မှာ ထုတ်မရသေးတဲ့ လက်ကျန် ၂၂၀၀၀၀ ကို ဆက်ပီး လှူဒါန်းပေးသွားပါမယ် ခင်ဗျာ။ယုံယုံကြည်ကြည် နဲ့ လှူဒါန်းပေးကြတဲ့ အလှူ ရှင်များ ကိုလည်း သာဓု သာဓု သာဓု ပါ ခင်ဗျာ။ကျွန်တော် ကိုယ်တိုင်သွားရောက် လှူပေးခဲ့ပါတယ်......" ဆိုပြီးရေးသားထားခဲ့ပါတယ်။ ကဲ....ပရိသတ်တွေအတွက် ပြန်လည်မျှဝေပေးလိုက်ပါတယ်နော်။

သတင်း အရင်းအမြစ်៖ PhoneSett Thwin's Facebook acc