မိသားစုရဲ့စားဝတ်နေရေးက အရမ်းခက်ခဲနေတာကြောင့် လမ်းပေါ်မှာ အိုးဖာတိပ်လေးတွေရောင်းပြီး ဝမ်းရေးအတွက်ဖြေရှင်းနေရတဲ့ အဘတစ်ဦး

၂၀၂၀ခုနှစ် (၃)လပိုင်းကတည်းက မြန်မာနိုင်ငံအတွင်းကို COVID-19 စတင်ဝင်ရောက်လာတာကြောင့် ပြည်သူတွေလည်း စီးပွါးရေးတွေ ကျပ်တည်းလာကြတာဖြစ်ပါတယ်။ဒါ့အပြင် (၂၀၂၁)ခုနှစ် ဖေဖော်ဝါရီလ(၁)ရက်နေ့ကတည်းက ဖြစ်ပေါ်လာတဲ့အခြေအနေတွေကိုလည်း ပြည်သူလူထုက မရှိရှိတဲ့အားလေးကိုတင်းပြီး ရင်ဆိုင်နေကြရတာဖြစ်ပါတယ်။စီးပွါးရေးက အခုချိန်ထိ ပြန်ပြီးဦးမော့မလာသေးတာကြောင့် အကုန်လုံးခက်ခဲနေရပေမယ့်ပြည်သူအချင်းချင်း တတ်နိုင်သလောက် ကူညီပေးကြတာဖြစ်ပါတယ်။စားဝတ်နေရေးခက်ခဲနေကြတဲ့ ပြည်သူတချို့ကလည်း အခုချိန်မှာ တစ်ပိုင်တစ်နိုင်စီးပွါးရေးလေးတွေလုပ်ကိုင်နေကြတာဖြစ်ပါတယ်။

အခုဆိုရင်လည်း အသက်အရွယ်ကြီးရင့်နေပြီဖြစ်တဲ့ အဘတစ်ဦးက ရွှေဘုံသာလမ်း(မဂိုလမ်း)မှာ အိုးဖာတိပ်လေးတွေကို မိသားစုစားဝတ်နေရေးအတွက် ရောင်းချနေတာဖြစ်ပါတယ်။အခုလိုအချိန်မှာ အဘက စားစရာမရှိလို့လမ်းမပေါ်ထွက်လာပြီး အရင်းအနှီးနည်းတဲ့စီးပွါးရေးလေးကို လုပ်ဆောင်နေရတာဖြစ်ပါတယ်။အဘက စျေးရောင်းနေပေမယ့်လည်း လက်ရှိအခြေအနေကြောင့် ဝယ်မယ့်သူလည်းမရှိဖြစ်နေတာ ဖြစ်ပါတယ်။အဘက ရွှေဘုံသာလမ်း(မဂိုလမ်း)မှာ စျေးရောင်းလာခဲ့တာ နှစ်ပေါင်းအတော်ကြာမြင့်နေပြီဖြစ်ပါတယ်။

ဒီလိုကာလမှာ သာမာန်လူတန်းစားတွေတောင် ခက်ခဲနေတဲ့ အခြေအနေဖြစ်လို့ အဘတို့အတွက်ကတော့ ပုံမှန်စားသောက်နိုင်ဖို့အတွက်တောင် ခက်ခဲနေတာဖြစ်ပါတယ်။ဖြတ်သွားဖြတ်လာတဲ့ပြည်သူတစ်ဦးက စျေးရောင်းနေတဲ့အဘကိုတွေ့တာကြောင့် သူ့အတွက်မလိုအပ်ပေမယ့် အိုးဖာတိပ်တွေလည်း ဝယ်လိုက်ပြီး စားစရာတွေနဲ့အလှူငွေကိုပေးအပ်ခဲ့တာဖြစ်ပါတယ်။အခုလိုကာလမှာ အရမ်းခက်ခဲနေတဲ့ အဘရဲ့စားဝတ်နေရေးကို တတ်နိုင်သလောက်လေးကူညီပေးနိုင်ဖို့အတွက် အဘရဲ့နေရပ်လိပ်စာနဲ့ စျေးရောင်းတဲ့နေရာကို ပြန်လည်မျှဝေပေးလိုက်ပါတယ်။

Source&Photo Credit: Original Uploder