လတ်တလော မြန်မာနိုင်ငံတွင် ဖြစ်နေတဲ့ လူထုလှုပ်ရှားမှုတွေမှာ အနုပညာရှင်များစွာလည်း ပြည်သူတွေနဲ့အတူပါဝင်အားဖြည့်နေကြတာကို အားလုံးလည်း သိကြမယ် ထင်ပါတယ်။ ဒီအနုပညာရှင်များထဲတွင် သရုပ်ဆောင် မင်းသမီး သန္တာဗိုလ်လည်း တစ်ယောက်အပါအဝင်ပါပဲနော်။ လိုချင်တဲ့ ပန်းတိုင်ကို အလျင်မြန်ဆုံး ရရှိအောင် ပြည်သူတွေ စည်းလုံးညီညွတ်စွာနဲ့ အတူပူးပေါင်းဆောင်ရွက်နေကြတာကို မြင်တွေ့ရတာ အားတက်စရာကောင်းလွန်းလှပါတယ်။
သန္တာဗိုလ်ကလည်း ကိုယ်တိုင်လှုပ်ရှားနေရုံတင်မကဘဲ လမ်းပေါ်ထွက်ကာ ဆန္ဒထုတ်ဖော်နေကြတဲ့ ပြည်သူတွေအတွက် စားစရာ၊သောက်စရာများကို သူငယ်ချင်းတွေနဲ့အတူ စုပေါင်းလှူဒါန်းနေကြတာလည်း ဖြစ်ပါတယ်။သူမရဲ့ လှုပ်ရှားမှုတွေတိုင်းကိုလည်း လူမှုကွန်ယက်စာမျက်နှာမှတစ်ဆင့် ဝေမျှပေးနေတာလည်း ဖြစ်ပါတယ်။ မနေ့ညကလည်း သူမရဲ့Facebook Story တွင် ဗီဒီယိုဖိုင်တစ်ခု တင်ထားတာပဲ ဖြစ်ပါတယ်။
ဒါကတော့ ညပိုင်းမှာလည်း လမ်းမပေါ်ထွက်ပြီး ပြည်သူတွေနဲ့အတူ ရင်ထဲကဆန္ဒအမှန်တရားများအား ထုတ်ဖော်နေတဲ့ သန္တာဗိုလ်ရဲ့ဗီဒီယိုပဲ ဖြစ်ပါတယ်။ ပြည်သူတွေဟာ မနက်ပိုင်းတွင်သာမကဘဲ ညပိုင်းမှာလည်း လူထုလှုပ်ရှားမှုတွေကို တက်တက်ကြွကြွ လုပ်ဆောင်နေကြသည်မှာ ဂုဏ်ယူစရာပါပဲ။ မကြည့်ရှုရသေးတဲ့ ပရိသတ်တွေအတွက် သန္တာဗိုလ်ရဲ့ ဗီဒီယိုဖိုင်ကို တစ်ဆင့်ပြန်လည် ကူးယူတင်ဆက်ပေးလိုက်ရပါတယ်နော်။
Source and Photo Crd-Thandar Bo’s Facebook Account