မြန်မာနိုင်ငံမှာ ဖေဖော်ဝါရီလ (၁)ရက်နေ့တည်းကစကာ ကြုံတွေ့ခဲ့ရတဲ့ အဖြစ်အပျက်တွေကြောင့် ပြည်သူအများအပြားလမ်းပေါ်ထွက်ကာ လူထုလှုပ်ရှားမှုတွေကို ပြုလုပ်လာခဲ့ကြတာဖြစ်ပါတယ်။ လူထုလှုပ်ရှားမှာကြီးဟာ အခုဆိုရင် ရက်ပေါင်း (၄၀)ခန့်ကြာမြင့်နေပြီဖြစ်ပြီးတော့ ဒီမိုကရေစီလိုလားကြတဲ့ပြည်သူတိုင်း ပါ၀င်လှုပ်ရှားနေကြတာကိုလည်း တွေ့မြင်ရမှာဖြစ်ပါတယ်နော်.....။
အခုလိုလှုပ်ရှားမှုတွေပြင်းထန်လာတာနဲ့အမျှ တစ်ဖက်ကနေလည်း ဖြိုခွင်းမှုတွေများပြားလာတာဖြစ်ပြီး ထိခိုက်သေဆုံးသူပြည်သူအများအပြားလည်းရှိလာနေတာဖြစ်ပါတယ်။ မြန်မာနိုင်ငံအနှံ့ဖြစ်ပေါ်နေတဲ့ လူထုလှုပ်ရှားမှုကြီးဟာဆိုရင် နေ့စဉ်ရက်ဆက်လုပ်ဆောင်နေကြတာဖြစ်ပြီး ပြည်သူလူထုဘက်ကလည်း မလျှော့သောဇွဲနဲ့အတူ ရဲရဲဝံ့ဝံ့လုပ်ဆောင်နေကြတာကိုလည်း တွေ့မြင်ရပါတယ်နော်.....။
ယနေ့မတ်လ (၁၄)ရက်နေ့မှာတော့ ရန်ကုန်တိုင်း လှိုင်သာယာမြို့နယ်၊ရွှေပြည်သာမြို့နယ်နဲ့ တာမွေမြို့နယ်တို့မှာ ဖြိုခွင်းမှုတွေနဲ့ကြုံတွေ့ခဲ့ရတာဖြစ်ပြီး ထိခိုက်ကျဆုံးသူတွေပါရှိလာတာဖြစ်ပါတယ်။ အခုလိုဖြစ်ပေါ်လာတဲ့ အခြေအနေတွေကို Twitterမှာ အနုပညာရှင်တွေအပါအ၀င် သတင်းထောက်အတော်များများလည်းတင်ပေးလာကြတာဖြစ်တာကြောင့် Twitterအသုံးပြုသူတွေကြားမှာ ချက်ချင်းပျံ့နှံ့ခဲ့ပြီး Tweetလုပ်သူဦးရေအများအပြားရှိလာခဲ့တာဖြစ်ပါတယ်။ ပရိသတ်တွေအတွက် ဝေမျှပေးလိုက်ပါတယ်နော်။
သတင်း အရင်းအမြစ်៖ Myanmarload
Bong I.T