မြန်မာနိုင်ငံကြီး ငြိမ်းချမ်းစေဖို့နဲ့ ပြည်သူပြည်သားတွေ ဘေးကင်းဖို့အတွက် ဘုရားမှာ ဝတ်ပြုဆုတောင်းပေးနေတဲ့ ပိုပို

အဆိုတော်မလေး ပိုပိုကတော့ ဖေဖော်ဝါရီလ ၁ရက်နေ့ကတည်းက ပြောင်းလဲခဲ့တဲ့ နိုင်ငံရေးအခြေအနေတွေမှာ ပြည်သူတွေနဲ့ထပ်တူ ရပ်တည်ခဲ့တဲ့ အနုပညာရှင်တစ်​ယောက်ပါ။ လမ်းပေါ်ထွက်ပြီး ရင်ထဲက ဆန္ဒအမှန်ကို ဖော်ထုတ်ကြတဲ့ လူထုလှုပ်ရှားမှုကြီးမှာလည်း ပြည်သူတွေနဲ့အတူ သွားရောက်ဝန်းရံခဲ့တာဖြစ်ပါတယ်။ ပြောင်းလဲခဲ့တဲ့ နိုင်ငံရေးဟာဆိုရင် ရက်ပေါင်း ၄၃ရက်ရှိခဲ့ပြီဖြစ်ပြီး ပိုပိုကတော့ သွေးမအေးသွားပဲ ဆက်လက်ရပ်တည်နေဆဲပါ။

သူမ တတ်နိုင်တဲ့ဘက်ကနေ နိုင်ငံအတွက် တစ်တပ်တစ်အားအနေနဲ့ ပါဝင်အားဖြည့်နေတဲ့ ပိုပိုက ယနေ့မှာလည်း မြန်မာနိုင်ငံကြီး ငြိမ်းချမ်းဖို့နဲ့ ပြည်သူတွေ ဘေးကင်းစေဖို့အတွက် ဘုရားမှာ ဝတ်ပြု ဆုတောင်းပေးနေခဲ့တာပါ။ ပိုပိုက သူမရဲ့ Facebook Account ထက်မှာ " မြန်မာနိုင်ငံကြီး အမြန်နေကောင်းဖို့ မြန်မာနိုင်ငံသူ နိုင်ငံသားတွေ ဘေးကင်းဖို့ ဆုတောင်းပေးနေပါတယ် ပြုပြုခဲ့သမျှ ဒါန သီလ ဘာဝနာ တို့ကြောင့် မြန်မာနိုင်ငံသူ နိုင်ငံသားတွေ စိတ်ဆင်းရဲခြင်းမှ ကင်းဝေးကြပါစေ အသက်ဘေး ထိခိုက်ခြင်းမှ ကင်းဝေးကြပါစေ " ဆိုပြီး ရေးသားလာခဲ့တာဖြစ်ပါတယ်။ 

ဒါ့အပြင် ဘုရားမှာ တရားထိုင်ကာ အေးချမ်းမှုကို ရှာဖွေနေတဲ့ သူမရဲ့ ပုံတွေကိုလည်း မျှဝေခဲ့ပါသေးတယ်။ အခုလို တစ်နိုင်ငံလုံး အပြောင်းအလဲတွေဖြစ်နေချိန်မှာ ပြည်သူတွေနဲ့အတူ ဝန်းရံရပ်တည်ခဲ့တဲ့အပြင် မြန်မာနိုင်ငံကြီး ငြိမ်းချမ်းဖို့နဲ့ ပြည်သူတွေ ဘေးကင်းစေဖို့အတွက် ဘုရားမှာ ဝတ်ပြုဆုတောင်းပေးနေတဲ့ အဆိုတော်မလေး ပိုပိုရဲ့ စာသားတွေနဲ့ ပုံတွေကို ပြန်လည်ကူးယူပြီး ပရိသတ်တွေထံ ဝေမျှပေးလိုက်ပါတယ်။

သတင်း အရင်းအမြစ်៖ Source - ပိုပို's FB page