ပရိသတ်ကြီးရေ.. အနုပညာလောကမှာ အောင်မြင်မှုတွေနဲ့ရပ်တည်လျှောက်လှမ်းနေတဲ့ မော်လ်ဒယ်သရုပ်ဆောင် စူးရှထက်ကတော့ လက်ရှိအခြေအနေတွေမှာ ပြည်သူတွေနဲ့အတူလှူဒါန်းမှုတွေ မကြာခဏပြုလုပ်နေတာ ဖြစ်ပါတယ်..။
ဖေဖော်ဝါရီ(၁)ရက်နေ့ကတည်းက ပြည်သူတွေနဲ့တစ်သားတည်းရပ်တည်ကာ လူထုလှုပ်ရှားမှုတွေမှာ ကိုယ်တိုင်လမ်းပေါ်ထွက်ပါဝင်နေသလို ပြည်သူတွေအတွက် ကြုံတဲ့နေရာတိုင်းမှာ လှူဒါန်းမှုတွေပြုလုပ်နေတာလည်း တွေ့ရပါတယ်..။
စိတ်ဓာတ်အင်အားအပြည့်နဲ့ တော်လှန်ရေးတိုက်ပွဲကြီးမှာ ကိုယ်တိုင်ပါဝင်လှုပ်ရှားနေတဲ့ သူမကတော့လမ်းပေါ်ထွက်သူရဲကောင်းတွေနဲ့ ပြည်သူ့ဝန်ထမ်းတွေအတွက် အစားအသောက်တွေကိုလည်း ကိုယ်တိုင်ချက်ပြုတ်လှူဒါန်းနေသူလေးပါ..။
အများပြည်သူ(၇)ရက်သားသမီးတွေ လှူဒါန်းထားတဲ့ အလှူငွေတွေကို လိုအပ်တဲ့နေရာလေးတွေမှာ ပြန်လည်လှူဒါန်းပေးနေတဲ့စူးရှထက်ဟာ အခုတစ်ခါမှာလည်း ထမင်းဟင်းတွေ ကိုယ်တိုင်အပင်ပန်းခံကာချက်ပြုတ်နေတဲ့ သူမရဲ့ပုံရိပ်လေးတွေနဲ့ အလှူလေးကို ဝေမျှလာပါတယ်..။
"၁၅-၃-၂၀၂၁ အလှူရှင်များ သာဓုသာဓုသာဓု ???.." ဆိုပြီး ပါဝင်လှူဒါန်းကြတဲ့ အလှူရှင်တွေအတွက်လည်း စူးရှထက်က ဆုတောင်းစကားလေးနဲ့အတူ သာဓုခေါ်ထားသလို ကိုယ်တိုင်အပင်ပန်းခံချက်ပြုတ်နေတဲ့ သူမရဲ့ပုံရိပ်လေးတွေကို ဝေမျှထားတာပါ..။
ပြည်သူတွေနဲ့အတူ လူအားငွေအားတွေနဲ့ကျရာတာဝန်ယူနေတဲ့ စူးရှထက်ကိုတော့ မြင်သူပရိသတ်တွေတိုင်းကလည်း လေးစားချီးကျူးရင်း အားပေးစကားလေးတွေ ဆိုထားကြတာလည်း တွေ့ရပါတယ်..။
သတင်း အရင်းအမြစ်៖ Zar Chi's Fb Acc