ပရိသတ်တွေရဲ့အားပေးချစ်ခင်မှုတွေကိုအများဆုံးရရှိထားပြီး အနုပညာလောကမှာအောင်မြင်စွာလျှောက်လှမ်းနေတဲ့ သရုပ်ဆောင်မင်းသမီးခင်ဝင့်ဝါကတော့ ပြည်သူတွေနဲ့အတူ ရပ်တည်ကာ လူထုလှုပ်ရှားမှုတွေ ဆက်တိုက်ပြုလုပ်နေသူလေးပါ..။
နာမည်ကျော်မင်းသမီးတစ်ယောက်ဖြစ်ပေမယ့်လည်း ပြည်သူတွေနဲ့တန်းတူအပင်ပန်းခံကာ လှုပ်ရှားမှုတွေမှာ အင်တိုက်အားတိုက်ပါဝင်နေသလို လှူဒါန်းမှုတွေမှာလည်း တတ်နိုင်သလောက် လုပ်ဆောင်နေတာကိုလည်း တွေ့ရပါတယ်..။
ပြည်သူတွေအတွက် လိုအပ်နေတဲ့နေရာလေးတွေမှာ ပါဝင်အားဖြည့်လှူဒါန်းနေတဲ့ ခင်ဝင့်ဝါကတော့ ဒီကနေ့မတ်လ(၁၆)ရက်နေ့မှာလည်း သူငယ်ချင်းတွေနဲ့အတူ လှိုင်သာယာမြို့နယ်က ပြည်သူတွေအတွက် ထောက်ပံမှုတွေပြုလုပ်ကာ ပံ့ပိုးကူညီခဲ့ပါတယ်..။
လက်ရှိအခြေအနေတွေကြောင့် စားဝတ်နေရေးခက်ခဲနေတဲ့ လှိုင်သာယာကပြည်သူတွေအတွက် စေတနာရှင်သူငယ်ချင်းတွေနဲ့အတူ အလှူငွေတွေပေးအပ်လှူဒါန်းခဲ့တဲ့အပြင် စားနပ်ရိက္ခာတွေကိုလည်းထောက်ပံ့လှူဒါန်းခဲ့တာ ဖြစ်ပါတယ်..။
"၁၆/၃/၂၁
ကျွန်မတို့ သူငယ်ချင်းမိတ်ဆွေများ ၊ စေတနာရှင်ပြည်သူများ နှင့် ပရိသတ်များ ရဲ့ စုပေါင်း လှူဒါန်းငွေများ ထဲ မှ
လှိုင်သာယာမြို့နယ်ဘက်ခြမ်း ရှိ စားစရာရိက္ခာအခက်အခဲ ဖြစ်နေတဲ့ပြည်သူများအတွက် လှူဒါန်း ငွေ များ / စားနပ်ရိက္ခာ များ ဆက်သွယ် ပေးအပ်ခဲ့ပါတယ်။
ကိုယ်တိုင်သွားရောက်ပေးတဲ့ မိတ်ဆွေ၏ လုံခြုံရေး အတွက် ဓာတ်ပုံမရိုက်/ မတင် တာကို နားလည်ပေးစေလိုပါတယ်။
ဘယ်လိုအခြေအနေမျိုးမှာပဲဖြစ်ဖြစ် ပြည်သူနဲ့ တသားထဲ ဆက်လက်တိုက်ပွဲဝင်သွားမှာဖြစ်ပြီး လိုအပ်သည်များကို ဆက်လက် ကူညီပံ့ပိုးသွားပါမည်။
ယခုအချိန် မှာ သွား/ လာရေး အခက်အခဲ နဲ့ ဆက်သွယ်ရေးအခက်အခဲများကြောင့် အနည်းငယ်ကြန့်ကြာနေရခြင်းကိုလည်း နားလည်ခွင့်လွှတ်ပေးပါရှင့် ??
ပါဝင်လှူဒါန်းကြသူ အားလုံးကိုလည်း ကျေးဇူးအထူးတင်ရှိပါတယ် ??.." ဆိုပြီး အလှူအကြောင်း ခင်ဝင့်ဝါက မျှဝေပြောပြထားတာပါ..။
သတင်း အရင်းအမြစ်៖ Khin Wint Wah's Fb Acc