သရုပ်ဆောင် ဇွဲနိုင်ဝင်းကတော့ ဆယ်စုနှစ်ကျော်တိုင်အောင် ပရိသတ်တွေရဲ့ လက်ခံအားပေးမှုတွေကို ရရှိထားသူ တစ်ဦးလည်း ဖြစ်ပါတယ်။ လက်ရှိအချိန်မှာလည်း ပြည်သူတွေနဲ့အတူ တစ်သွေးတည်း တစ်သားတည်း ရပ်တည်ကာ လူထုလှုပ်ရှားမှုများတွင် ပူးပေါင်းပါဝင် အားဖြည့်ပေးနေတာလည်း ဖြစ်ပါတယ်။နေ့စဉ်မပျက်မကွက် သူ့ရဲ့ ကြိုးစားအားထုတ်မှုတွေကို မြင်တွေ့နေတဲ့ ပရိသတ်တွေကတော့ လေးစားနေကြတာပါ။
ဒီလူထုလှုပ်ရှားမှုကြီးဟာလည်း တဖြည်းဖြည်းနဲ့ အချိန်ကာလကြာမြင့်လာပြီ ဖြစ်သော်လည်း လိုချင်တဲ့ ပန်းတိုင်ကို မရောက်ရောက်အောင် ကြိုးစားနေတဲ့ ပြည်သူတွေကတော့ နေ့စဉ်ရက်ဆက် လမ်းပေါ်ထွက်ကာ သူတို့ရဲ့ ဆန္ဒတွေကို ထုတ်ဖော်ပြသနေဆဲပဲ ဖြစ်ပါတယ်။ လမ်းပေါ်ထွက်နေကြတဲ့ ပြည်သူတွေအတွက် လိုအပ်တဲ့လှူဒါန်းမှုများကိုလည်း အလှူရှင်များက တတ်နိုင်တဲ့ဘက်ကနေ အဆင်ပြေအောင် ကြိုးစားပေးနေကြတာကိုလည်း အားတက်ဖွယ်ရာ မြင်တွေ့ရကြရမှာပါ။
မနေ့ညကတော့ ဇွဲနိုင်ဝင်းရဲ့ လူမှုကွန်ယက်စာမျက်နှာတွင် လူထုလှုပ်ရှားမှုများတွင် တက်ကြွစွာပါဝင်နေတဲ့ ပြည်သူတွေအတွက် စားစရာ၊သောက်စရာများနဲ့ လိုအပ်သော ပစ္စည်းများကို သူငယ်ချင်းတွေနဲ့အတူ စုပေါင်းလှူဒါန်းခဲ့တဲ့ ပုံရိပ်တွေ ဝေမျှထားတာပဲ ဖြစ်ပါတယ်။ သူကလည်း " ဒီနေ့ နွေဦးတော်လှန်းရေးမှာ ဆန္ဒထုတ်ဖော်နေသောပြည်သူများ အတွက် ထောပတ်ထမင်း နှင့် အချိုရည်ဗူး မုန့် များ ဝေငှလှူဒါန်းခဲ့ပါတယ်။
ထောပတ်ထမင်းနှင့် Safety Hat(10)လုံး၊Goggles (10)လက် ကိုတော့ အဆိုတော် ရေဗက္ကာဝင်းနဲ့ မေစံပယ်ညိုတို့က လှူဒါန်းပေးထားကြောင်း ရေးသားထားတာဖြစ်လို့ ပရိသတ်တွေအတွက် ဒီသတင်းလေးကို တစ်ဆင့်ပြန်လည် ကူးယူတင်ဆက်ပေးလိုက်ရပါတယ်။ အားလုံးလည်း ဂရုတစိုက်နဲ့ ဒီလှုပ်ရှားမှုကြီးမှာ အဆုံးစွန်ထိ ပါဝင်ပေးကြဖို့ကိုလည်း တိုက်တွန်းလိုက်ပါရစေနော်။
Source and Photo Crd-Zwe Naing Win’s Facebook Account