သရုပ်ဆောင် မေသက်ခိုင်ကတော့ အနုပညာအလုပ်တွေနဲ့ အလှမ်းဝေးကွာနေပေမယ့် ပရိသတ်အားပေးမှုကို ယနေ့တိုင်ရရှိနေဆဲ ဖြစ်တဲ့ သူတစ်ယောက်ပါ။ မေသက်ခိုင်ကလည်း သူမရဲ့ လှုပ်ရှားမှုတွေကို လူမှုကွန်ယက်စာမျက်နှာကတစ်ဆင့် ပရိသတ်တွေထံ အမြဲ ဝေမျှလေ့ရှိတာဖြစ်ပါတယ်။ ဒါ့အပြင် ဖေဖော်ဝါရီလ ၁ရက်နေ့ကတည်းက ပြောင်းလဲခဲ့တဲ့ နိုင်ငံရေးအခြေအနေတွေမှာလည်း မေသက်ခိုင်က ပြည်သူတွေနဲ့အတူ တစ်သားတည်းရပ်တည်နေခဲ့ပါတယ်။
မေသက်ခိုင်က သူမရဲ့ လူမှုကွန်ယက်ထက်မှာလည်း ယခု အခြေအနေနဲ့ သက်ဆိုင်တဲ့ Postတွေနဲ့ ပုံတွေကို အများပြည်သူသိရအောင် တင်ပေးလေ့ရှိတာဖြစ်ပါတယ်။
မကြာသေးတဲ့ နာရီပိုင်းအချိန်ကလည်း မေသက်ခိုင်က သူမရဲ့ Facebook Account ထက်မှာ လူအများ နားလည်မှုလွဲနေတဲ့ ကိစ္စတစ်ချို့ကို ပြန်လည်ဖြေရှင်းပြောပြလာခဲ့ပါတယ်။
ဒါကတော့ ယခုလို အခြေအနေမျိုးမှာ ကိုးကွယ်တဲ့ ဘာသာမတူလို့ဖြစ်စေ လူမျိုးမတူလို့ဖြစ်စေ စိတ်ဝမ်းကွဲနေစရာမလိုပဲ အတူတူကျော်ဖြတ်သွားရင် ပန်းတိုင်အမြန်ဆုံးရောက်ရှိမယ့် အကြောင်းအရာပဲ ဖြစ်ပါတယ်။ မေသက်ခိုင်က " ဘယ်ဘာသာကိုးကွယ်ကိုးကွယ် ဘယ်လူမျိုးပဲဖြစ်ဖြစ် ကောင်းတဲ့လူရှိသလို မကောင်းတဲ့လူလည်းရှိမယ် ဘာသာနဲ့မဆိုင်သလို လူမျိုးနဲ့လည်းမဆိုင်ဘူး တစ်ယောက်ချင်းစီရဲ့စိတ်ဓာတ်နဲ့ပဲဆိုင်တယ် ဘာမှသွေးကွဲစရာ အကြောင်းမရှိသလို အမုန်းစကားလည်းမဆိုဘူး " လို့ ဆိုကာ သူရဲ့ Account ထက်မှာ ရေးသားဝေမျှလာတာဖြစ်လို့ ပရိသတ်တွေထံ ကူးယူဖော်ပြပေးလိုက်ပါတယ်။
သတင်း အရင်းအမြစ်៖ Source - May Thet Khine's Facebook Account