ဒီကနေ့ မနက်ပိုင်း ကျွန်းတောလမ်းမ တစ်လျှောက်မှာ ဆန္ဒထုတ်ဖော်တဲ့ ပြည်သူတွေ များစွာရှိနေတာကို တွေ့ရပါတယ်။
ဆန္ဒထုတ်ဖော်သူ ဦးရေဟာ အယောက် ၂၀၀ ဝန်းကျင်လောက်ရှိပြီး ကြွေးကြော်သံတွေ သံပြိုင်ဟစ်ကြွေးကာ ဆန္ဒထုတ်ဖော်နေကြတာပဲ ဖြစ်ပါတယ်။
ကျွန်းတောလမ်းမ တစ်လျှောက်လုံးမှာလည်း အကာအရံတံတိုင်းတွေနဲ့ သဲအိပ်ခံတပ်တွေကိုလည်း ပြုလုပ်ထားတာတွေ့ရပါတယ်။
မနေ့က တုန်းကတော့ ကျွန်းတောလမ်းပေါ်က ဆန္ဒပြပြည်သူတွေဟာ လူစုခွဲခံရပြီး အကာအရံတံတိုင်း အချို့ ဖျက်ဆီးခံခဲ့ရပေမယ့် ဒီကနေ့ နေ့လည် ၁၁ နာရီလောက်ထိ ဖြိုခွဲခံရမယ့် အရိပ်အယောင်ကို မမြင်တွေ့ရသေးပါဘူး။
ဆန္ဒထုတ်ဖော်သူပြည်သူတွေဟာ လက်ရှိအချိန်ထိ ကြွေးကြော်သံတွေနဲ့အတူ ငြိမ်းချမ်းစွာ ဆက်လက်ဆန္ဒထုတ်ဖော်လျက် ရှိတာကိုတွေ့ရပါတယ်။
စမ်းချောင်မြို့နယ်အတွင်းက ဗလိုလမ်းမပေါ်မှာလည်း ဒီကနေ့မှာ ဆန္ဒထုတ်ဖော်တဲ့ ပြည်သူတွေများစွာရှိနေသေးတာကိုလည်း တွေ့ရပါတယ်။