တွန်းလှည်းပေါ်က ဟင်းသီးဟင်းရွက်တွေကို တစ်အိမ်တစ်ယောက် ထွက်ကာ ကြိုက်ရာတစ်မျိုးစီ ယူလို့ရတဲ့အလှူကို ပြုလုပ်ခဲ့ကြတဲ့ ပြည်သူအချို့

စိတ်ရင်းစေတနာကောင်းကြတဲ့ ပြည်သူတွေကတော့ အခုလို လူတိုင်းနီးပါးခက်ခဲနေကြတဲ့ ကာလမှာတောင်တတ်နိုင်သလောက် ပေးကမ်းလှူဒါန်းနေကြတာပဲဖြစ်ပါတယ်။လက်ရှိမှာဆိုရင် ပြည်သူတွေက စည်းစည်းလုံးလုံးနဲ့အပြန်အလှန် ဖေးမကူညီကြပြီး တစ်ယောက်အခက်အခဲကို တစ်ယောက်က မျှဝေခံစားပေးနေကြတာဖြစ်ပါတယ်။မြန်မာပြည်သူ၊ပြည်သားတွေရဲ့ စိတ်ထားကတော့ မေတ္တာတရားတွေနဲ့လွှမ်းခြုံထားတာကြောင့် လူသားအချင်းချင်း သနားကြင်နာတတ်နေကြတာ ဖြစ်ပါတယ်။

အခုလိုအချိန်မျိုးမှာ သာမန်ပြည်သူတွေကအစ မိမိတို့မှာရှိသလောက်လေးကို ရက်ရက်ရောရောနဲ့ လှူဒါန်းနေကြတာဖြစ်ပါတယ်။တစ်ရက်ကဆိုရင်လည်း ရန်ကုန်တိုင်း၊မြောက်ဥက္ကလာပမြို့နယ်မှာနေထိုင်ကြတဲ့ ရပ်ကွက်သူ၊ရပ်ကွက်သားတွေအတွက် စေတနာရှင်ပြည်သူတွေက ဟင်းသီးဟင်းရွက်တွေကို အိမ်တိုင်းအတွက် လှူဒါန်းခဲ့ကြတာဖြစ်ပါတယ်။တွန်းလှည်းပေါ်က ဟင်းသီးဟင်းရွက်တွေကို တစ်အိမ်တစ်ယောက် ထွက်ကာ ကြိုက်ရာတစ်မျိုးစီ ယူလို့ရအောင် စေတနာရှင်ပြည်သူအချို့က စီစဉ်ပေးခဲ့ကြတာဖြစ်ပါတယ်။

ရပ်ကွက်နေပြည်သူတွေကလည်း အိမ်ထဲကနေထွက်ပြီး ကြိုက်တဲ့အသီးအရွက်လေးတွေယူနေကြတာကြောင့် လှူကြတဲ့စေတနာရှင်တွေအတွက် ပီတိဖြစ်ဖို့ကောင်းပါတယ်။ဒီလိုကာလမှာ ပြည်သူတိုင်းက မိမိတို့တတ်နိုင်တဲ့အင်အားလေးတွေနဲ့ တစ်ထောင့်တစ်နေရာကနေ ပါဝင်ဝန်းရံပေးနေကြတာဖြစ်ပါတယ်။အလှူအတန်းရက်ရောကြတဲ့ မြန်မာပြည်သူ၊ပြည်သားတွေကတော့ COVID-19 (First Wave)ကတည်းက လှူဒါန်းခဲ့ကြတာ အခုချိန်ထိပဲဖြစ်ပါတယ်။ဒါ့ကြောင့်မှလို့ ပြည်သူလူထုရဲ့ စေတနာ၊သဒ္ဒါတရားထက်သန်နေကြတဲ့ ပုံရိပ်လေးတွေကို ကြည်နူးပီတိဖြစ်မိလို့ ပြန်လည်မျှဝေပေးလိုက်ပါတယ်။

Source&Photo Credit: Original Uploder