သရုပ်ဆောင် ပိုးကြာဖြူခင်ကတော့ ဖေဖော်ဝါရီလ အစကတည်းက ပြောင်းလဲခဲ့တဲ့ အခြေအနေတွေမှာ တစ်တပ်တစ်အား အနေနဲ့ ပါဝင်နေတဲ့ ပြည်သူထဲက ပြည်သူတစ်ယောက်ပါ။ ရက်ပေါင်းများစွာ ကြာမြင့်နေပြီဖြစ်တဲ့ အပြောင်းအလဲမှာ သွေးအေးမသွားပဲ ပြည်သူတွေနဲ့အတူ တစ်သားတည်းရပ်တည်နေတဲ့ ပိုးကြာဖြူခင်က ယခုအချိန်ထိလည်း တတ်နိုင်တဲ့ဘက်ကနေ ပါဝင်အားဖြည့်နေတာကို တွေ့ရပါတယ်။
ပိုးကြာဖြူခင်က သူမကိုယ်တိုင်လည်း လမ်းပေါ်ထွက်ပြီး ပြည်သူတွေနဲ့အတူ လူထုလှုပ်ရှားမှုကြီးမှာ ပါဝင်ခဲ့သလို လိုအပ်တဲ့နေရာတွေမှာလည်း တတ်စွမ်းသလောက် အလှူပြုနေခဲ့တာပါ။ ဒါ့အပြင် အားပေးသူ Follower များတဲ့ သူမရဲ့ Facebook Account ထက်မှာလည်း လက်ရှိအခြေအနေနဲ့ သက်ဆိုင်တဲ့ အကြောင်းအရာတွေကို အများပြည်သူသိရအောင် တင်ပေးလေ့ရှိတာဖြစ်ပါတယ်။
အရင်ကထက် ပိုမိုဆိုးရွားလာတဲ့ အခြေအနေတွေကြောင့် ပိုးကြာဖြူခင်က ဘုရားကို သွားရောက်ပြီး ရင်ထဲက အပူမီးတွေငြိမ်းချမ်းဖို့အတွက် ဆုတောင်းပေးနေခဲ့ပါတယ်။ ပိုးကြာဖြူခင်က ဘုရားမှာ ဆီမီးများကို ပူဇော်ကာ ဝတ်ပြုဆုတောင်းနေတဲ့ ပုံတွေအပြင် " ငိုစရာ မျက်ရည်တွေလဲ မကျန်တော့ဘူး ဒီလောက်နဲ့ပဲ ကျေနပ်ကြပါတော့ " ဆိုတဲ့ စာသားကိုလည်း ရေးသား တောင်းဆိုခဲ့ပါသေးတယ်။ တတ်နိုင်တဲ့ဘက်ကနေ စွမ်းစွမ်းတမံ ကူညီ အားဖြည့်ပေးနေတဲ့ ပိုးကြာဖြူခင်ရဲ့ ပုံတွေကို ပရိသတ်တွေထံ မျှဝေ ဖော်ပြပေးလိုက်ပါတယ်။
သတင်း အရင်းအမြစ်៖ Source - Poe Kyar Phyu Khin's FB Page