ခက်ခဲနေတဲ့ပြည်သူတွေအတွက် နေ့စဉ်နေ့တိုင်း ထမင်းဟင်းတွေအပင်ပန်းခံချက်ပြုတ်ပြီး ကျွေးမွေးလှူဒါန်းနေတဲ့ စူးရှထက်

မော်လ်ဒယ်သရုပ်ဆောင်အဖြစ် ပရိသတ်တွေအားပေးလက်ခံကြတဲ့ စူးရှထက်ကတော့ လက်ရှိအခြေအနေတွေမှာ ပြည်သူတစ်ယောက်အနေနဲ့ တတ်နိုင်တဲ့ဘက်ကနေ အားလုံးနဲ့အတူရပ်တည်ကာ လှုပ်ရှားမှုတွေ ပြုလုပ်နေသူပဲ ဖြစ်ပါတယ်..။

လမ်းပေါ်ထွက်လှုပ်ရှားမှုတွေနဲ့ လှူဒါန်းမှုတွေမှာပါ အဖက်ဖက်ကနေ ပြည်သူတွေနဲ့အတူ ပါဝင်အားဖြည့်နေတဲ့ စူးရှထက်ကတော့ ငွေကြေးတွေအပြင် ငွေအင်အားလူအင်အားနဲ့ အင်တိုက်အားတိုက်ပါဝင်နေတာပါ..။

အခုလို အများပြည်သူတော်တော်များများ ခက်ခဲနေကြတဲ့အချိန်မှာ ပြည်သူတစ်ယောက်အနေနဲ့ ကျရာတာဝန်တွေကိုတတ်နိုင်သလောက် ထမ်းဆောင်နေတဲ့ စူးရှထက်ကတော့ နေ့စဉ်နေ့တိုင်း ထမင်းဟင်းတွေ ချက်ပြုတ်လှုဒါန်းနေတာလည်း တွေ့ရပါတယ်..။

စားဝတ်နေရေးခက်ခဲနေကြတဲ့ ပြည်သူတွေအတွက် ထမင်းဟင်းတွေကိုယ်တိုင်အပင်ပန်းခံချက်ပြုတ်ပြီး ကျွေးမွေးလှူဒါန်းနေတဲ့ပုံရိပ်လေးတွေကိုလည်း ပရိသတ်တွေနဲ့အလှူရှင်တွေ သာဓုခေါ်ကုသိုလ်ယူနိုင်ဖို့ စူးရှထက်က ဝေမျှထားပါသေးတယ်..။

"မနေ့က အလှူလေးနဲ့ ဒီနေ့အလှူ

ပေါင်းတင်လိုက်တယ်နော် အလှူရှင်များ

နတ်လူသာဓုခေါ်နိုင်ကြပါစေ???.." ဆိုပြီး သူမကိုယ်တိုင်ချက်ပြုတ်လှူဒါန်းတဲ့ အလှူလေးကို ဝေမျှထားတာပါ..။

အခုလိုခက်ခဲနေကြတဲ့အချိန် နေ့စဉ်နေ့တိုင်း ကိုယ်တိုင်ချက်ပြုတ်အပင်ပန်းခံကာ ပြည်သူတွေအတွက်လှူဒါန်းမှုတွေပြုလုပ်ရင်း ပီတိလေးတွေနဲ့ ကုသိုလ်ယူနေတဲ့ စူးရှထက်ရဲ့ ပုံရိပ်လေးတွေကိုလည်း အားလုံးအတွက် တင်ဆက်ပေးလိုက်ပါတယ်..။