ရဲစွမ်းသတ္တိအပြည့်နဲ့ ပါဝင်လှုပ်ရှားခဲ့တဲ့ ကလေးမလေးကို ထိုက်ထိုက်တန်တန်ဂုဏ်ပြုချီးမြှင့်ခဲ့တဲ့ စေတနာရှင်ပြည်သူတစ်စု

ဒီကာလမှာဆိုရင်တော့ Gen X,Y,Zတွေအပြင် Gen Alphaလေးတွေကပါ ခွန်အားအပြည့်နဲ့ ပါဝင်ဝန်းရံပေးနေကြတာဖြစ်ပါတယ်။ကလေးတွေကတော့ အသက်သာငယ်ကြပေမယ့် စိတ်ထားလေးတွေကပြည့်ဝပြီး သူတို့သိသလောက်၊တတ်သလောက်လေးတွေနဲ့ ကူညီနေကြတာဖြစ်ပါတယ်။အခုလိုအချိန်မျိုးမှာ  လူကြီးတွေကအစကလေးငယ်လေးတွေအဆုံးထိ တက်ညီလက်ညီနဲ့ ရင်ဆိုင်နေကြလို့ အားတက်စရာကောင်းတဲ့အခြေအနေပဲဖြစ်ပါတယ်။တစ်ရက်ကဆိုရင်လည်း ကလေးမလေးတစ်ယောက်က ရဲစွမ်းသတ္တိအပြည့်နဲ့ လမ်းပေါ်မှာပါဝင်လှုပ်ရှားနေတာဖြစ်ပါတယ်။

ကလေးမလေးကတော့ လောက်လေးခွကို အားနဲ့မာန်နဲ့ကိုင်ပြီး ရှိတဲ့ခွန်အားလေးနဲ့ ပြည်သူတွေဘက်ကနေ ကာကွယ်နေတာဖြစ်ပါတယ်။အဲ့ဒီကလေးမလေးရဲ့သတ္တိအပြည့်နဲ့ပုံရိပ်လေးက ပြည်သူတွေကြားမှာ အရမ်းရေပန်းစားသွားခဲ့ပါတယ်။ကလေးမလေးရဲ့မိသားစုကတော့ အဆောင်ကျဉ်းကျဉ်းလေးမှာ နေထိုင်ရပြီး ဖခင်ဖြစ်သူက ပန်းရံအလုပ်လုပ်တာ ဖြစ်ပါတယ်။ကလေးမလေးရဲ့ ရဲရင့်တဲ့စိတ်ဓာတ်ကို လေးစားကြတဲ့ ပြည်သူတချို့ကတော့တတ်နိုင်သလောက်လှူဒါန်းကြပြီး ဆက်သွယ်လို့ရအောင် ဖုန်းလေးတစ်လုံးပါ ဝယ်ပေးခဲ့တာ ဖြစ်ပါတယ်။

ကလေးမလေးက ပညာသင်ကြားရမယ့်အရွယ်လေးလည်းဖြစ်တာကြောင့် ကျောင်းတက်နိုင်ဖို့အတွက်လည်း စီစဉ်ပေးနေကြတာဖြစ်ပါတယ်။စေတနာရှင်ပြည်သူတစ်စုကလည်း အသက်ငယ်ငယ်လေးနဲ့ အရမ်းရဲရင့်တဲ့ အဲ့ဒီကလေးမလေးအတွက် အစစအရာရာကို ကူညီပေးကြတာဖြစ်ပါတယ်။ပြည်သူတွေကတော့ ဂရုဏာ၊မေတ္တာတရားကြီးမားကြလို့ တစ်ခုခုဆို ဝိုင်းဝန်းထောက်ပံ့ပေးကြတာဖြစ်ပါတယ်။အခုဆိုရင်လည်း ဖုန်းလေးရလို့ အရမ်းပျော်ရွှင်သွားတဲ့ ကလေးမလေးရဲ့ အပျော်ပုံရိပ်လေးတွေကို ပြန်လည်မျှဝေပေးလိုက်ပါတယ်။

Source&Photo Credit: Original Uploder