သရုပ်ဆောင် ပိုင်ဖြိုးသုတို့ဇနီးမောင်နှံကတော့ ဖေဖော်ဝါရီလအစပိုင်းကတည်းကနေ အခုချိန်ထိ လူထုလှုပ်ရှားမှုတွေမှာ ပြည်သူတွေနဲ့အတူ တက်ကြွစွာ ပူးပေါင်းပါဝင်နေကြသူတွေပဲ ဖြစ်ပါတယ်။ လတ်တလော အခြေအနေများကြောင့် တိမ်းရှောင်နေရပေမယ့်လည်း နေ့စဉ်ရက်ဆက် သတင်းအချက်အလက်များအား သူမရဲ့ လူမှုကွန်ယက်စာမျက်နှာမှတစ်ဆင့် ဝေမျှပေးနေတာလည်း ဖြစ်ပါတယ်။ တိမ်းရှောင်နေစဉ်အတောအတွင်း သူမတို့ဇနီးမောင်နှံနဲ့ ပတ်သတ်ပြီးတော့ ကောလဟာလများစွာ ထွက်ရှိနေတာကြောင့် မကြာသေးခင် နာရီပိုင်းဆလာက်က သုသုရဲ့ Facebook အကောင့်တွင် ပြန်လည်ဖြေရှင်းလာတာပဲ ဖြစ်ပါတယ်။
" အခြေအမြစ်မရှိတဲ့ page နဲ့websiteမှာ ပိုင်ဖြိုးသုကပြောကြားလာပါတယ် ဆိုပြီးတင်ထားတဲ့သတင်းတွေ့လိုက်လို့ပါ....
သူရေးထားတာကလည်းတကယ်ကိုယုံလောက်စရာ အကွက်ကျကျဇာတ်လမ်းဆင်ရေးထားတာပါ...
အခုဒီမှာအဲဒီ့interviewရဲ့linkကိုမထည့်ပေးဘူးဆိုတာ ကျွန်မထည့်ပေးလိုက်မှအဲဒီ့pageအခုထက် reachကောင်းသွားမှာစိုးလို့ပါ....(လက်ရှိတောင်သူ့postကshare5.7K)
ရည်ရွယ်ချက်ရှိရှိနဲ့ကို ထင်ယောင်ထင်မှားဖြစ်စေမယ့်ခေါင်းစဉ်တပ် ရေးထားတာပါ...
အဲဒီ့postအောက်မှာ ဝိုင်းဝန်းစွပ်စွဲပြောဆိုထားသူများကိုလည်းမေးချင်လို့ပါရှင်...
ကျွန်မတို့လင်မယားကဒလန်တွေဆိုရင် ဝရမ်းထုတ်ခံရပါ့မလား???
ကျွန်မတို့သာ အမှန်တရားဘက်ကမရပ်တည်ချင်ရင် အသာလေးရေလိုက်ငါးလိုက် ရေသာခိုနေကြမှာပေါ့ရှင်...(အဲ့သလို နေနေကြသူတွေလည်းရှိနေတာပဲ)
အများစိတ်ဆင်းရဲနေရချိန်မှာ ကိုယ့်ဒုက္ခတွေမဝေမျှချင်ပေမယ့် ဒီတစ်ခုတော့အတိအကျကျွန်မပြောပါရစေ...
ကျွန်မပိုင်ဖြိုးသုသည် မည်သည့်အသွင်ပြောင်း mediaအတု pageအတုကိုမျှ interviewဖြေကြားထားခြင်းမရှိပါ...
အရေးတော်ပုံကြီးအောင်မှ ဝရမ်းပြေးဘဝအတွေ့ကြုံများဆိုပြီး တစ်ရက်သက်သက်ပြောပြရဦးမယ်...." ဆိုပြီးလက်ရှိပြန့်နှံ့နေတဲ့ ကောလဟာလသတင်းအတုတွေနဲ့ပတ်သတ်ပြီး ပြန်လည်ဖြေရှင်းလာတာကြောင့် ပရိသတ်တွေလည်း သိရှိစေရန်အတွက် တစ်ဆင့်ပြန်လည် ကူးယူတင်ဆက်ပေးလိုက် ရပါတယ်နော်။
Source and Photo Crd-Paing Phyoe Thu’s Facebook Account