လက်ရှိမှာဆိုရင် ရဲစွမ်းသတ္တိအပြည့်ရှိတဲ့ လူငယ်တွေက လမ်းမပေါ်ထွက်ပြီး လူထုလှုပ်ရှားမှုတွေကို ဦးဆောင်နေကြတာဖြစ်ပါတယ်။အနာဂတ်ရဲ့ကြယ်ပွင့်လေးတွေဖြစ်တဲ့ လူငယ်တွေကတော့ မိမိတို့ရဲ့အသက်အန္တရာယ်ကို ဂရုမစိုက်ကြဘဲ အများအကျိုးအတွက် စွမ်းစွမ်းတမံသယ်ပိုးဆောင်ရွက်နေတာ ဖြစ်ပါတယ်။အသက်ပေးသွားခဲ့ရတဲ့သူရဲကောင်းတွေအတွက်လည်း ပြည်သူလူထုက ပိုပြီးကြိုးစားပေးနေကြတာဖြစ်လို့ ဒီနေ့အချိန်ထိတိုင် ဘယ်သူမှအားမလျော့ကြသေးတာဖြစ်ပါတယ်။
မတ်လ(၂၃)ရက်နေ့ကဆိုရင် မန္တလေးမှာ ပြုလုပ်တဲ့ လူထုလှုပ်ရှားမှုတွေကို ဖြိုခွင်းခံရလို့ ကျဆုံးသူတွေလည်းထပ်မံရှိခဲ့ပါတယ်။ပြည်သူလူထုကတော့ မိမိတို့မှာရှိတဲ့ ပစ္စည်းလေးတွေနဲ့သာ အသက်အန္တရာယ်ကို တတ်နိုင်သလောက် ကာကွယ်နေကြရတာ ဖြစ်ပါတယ်။အသက်(၂၈)နှစ် ဝန်းကျင်ရှိတဲ့ လူငယ်လေးတစ်ယောက်ဆိုရင်ကျည်ကာဖို့အတွက် သူ့ရဲ့ကျောပိုးအိတ်လေးထဲမှာ အထပ်သားပြားတွေကို ချိုးထည့်ထားပြီး လမ်းပေါ်ထွက်ခဲ့တာဖြစ်ပါတယ်။ကျောပိုးအိတ်မှာ အထပ်သားပြားတွေချိုးထည့်လာပြီးကာကွယ်ခဲ့ပေမယ့် ကျည်က အဲ့ဒီလူငယ်လေးရဲ့ဦးခေါင်းကို မှန်သွားခဲ့တာ ဖြစ်ပါတယ်။
အနီးနားမှာရှိတဲ့ပြည်သူတွေကတော့ ကျည်ထိသွားခဲ့တဲ့ လူငယ်လေးကို ဆိုင်ကယ်ပေါ်တင်ပြီး ဆေးရုံ၊ဆေးခန်း ပို့ပေးခဲ့ကြတာ ဖြစ်ပါတယ်။ပြည်သူတွေကလည်း အပြန်အလှန်ကာကွယ်စောင့်ရှောက်နေကြတာဖြစ်လို့ အသက်အန္တရာယ်ကြုံနေရတဲ့သူကို တစ်ယောက်တည်းမထားခဲ့ဘဲ ရအောင် ကယ်ပေးခဲ့ကြတာ ဖြစ်ပါတယ်။ပြည်သူတွေက ကြိုးစားပြီးကယ်ခဲ့ကြပေမယ့်လည်း အဲ့ဒီလူငယ်လေးကတော့ အသက်ပေးသွားခဲ့ရပြီဖြစ်ပါတယ်။မိမိရဲ့အသက်အန္တရာယ်ဘေးကင်းဖို့အတွက် ကောက်ရိုးလေးတမျှင်အဖြစ် တတ်နိုင်သလောက်ကာကွယ်ခဲ့ပေမယ့် ကျဆုံးသွားရတဲ့ လူငယ်လေးရဲ့ပုံရိပ်တွေကို ဝမ်းနည်းစွာနဲ့ ပြန်လည်မျှဝေပေးလိုက်ပါတယ်။
Source&Photo Credit: Original Uploder