ပြည်သူလူထုကတော့ ယနေ့အချိန်ထိတိုင် အင်အားအပြည့်နဲ့ အမှန်တရားအတွက် ရင်ဆိုင်လာခဲ့ကြတာ ရက်ပေါင်း(၅၀)ကျော်သွားပြီ ဖြစ်ပါတယ်။ပြည်သူတွေက လူထုလှုပ်ရှားမှုတွေကို နည်းလမ်းအမျိုးမျိုးနဲ့ပြုလုပ်ခဲ့ကြကာ (၂၄.၃.၂၀၂၁) မနေ့ကဆိုရင်လည်း Silent Strikeဆိုပြီး လမ်းမပေါ်လုံးဝမထွက်ကြဘဲ အသံတိတ်လှုပ်ရှားခဲ့ကြတာ ဖြစ်ပါတယ်။တစ်ခုခုဆို အရမ်းစည်းလုံးညီညွှတ်ကြတဲ့ ပြည်သူတွေကတော့ မတ်လ(၂၄)ရက်နေ့မှာ Silent Strikeကို တက်ညီလက်ညီနဲ့ အကောင်အထည်ဖော်ခဲ့ကြတာ ဖြစ်ပါတယ်။
လက်ရှိပြုလုပ်နေကြတဲ့ လူထုလှုပ်ရှားမှုတွေမှာဆိုရင် ပြည်သူတွေအပြင် ဘုရားသားတော်တွေကပါတစ်တပ်တစ်အား ပါဝင်အားဖြည့်ပေးကြတာ ဖြစ်ပါတယ်။သံဃာတော်တွေကလည်း လူထုလှုပ်ရှားမှုတွေမှာနေ့စဉ်ရက်ဆက်ပါဝင်နေကြတာ ဖြစ်ပါတယ်။မနေ့ကဆိုရင်လည်း ဘုန်းဘုန်းတို့က ပြည်သူတွေနဲ့တစ်သားတည်းရှိအောင်လို့ Silent Strike ကိုဆောင်ရွက်ခဲ့ကြတာ ဖြစ်ပါတယ်။ပြည်သူတွေနဲ့အတူ ဘုန်းဘုန်းတို့ကပါ တစ်သွေးတည်း၊တစ်သားတည်းရှိတာကြောင့် အရမ်းအားတက်စရာကောင်းပါတယ်။
မတ်လ(၂၄)ရက်နေ့မှာSilent Strikeပြုလုပ်ဖို့အတွက် ဘုန်းဘုန်းတို့က ကျောင်းတိုက်အတွင်းမှာပဲ တညီတညွှတ်တည်း အသံတိတ်အာနာပါနဿတိ ကိုပြုလုပ်နေကြတာဖြစ်ပါတယ်။အရမ်းကြည်ညိုဖွယ်ကောင်းတဲ့ ဘုရားသားတော်တွေကတော့ ပြည်သူတွေရဲ့ဆန္ဒနဲ့ထပ်တူညီပြီး ဒီနေ့အချိန်ထိပြုလုပ်လာကြတဲ့ တချို့လှုပ်ရှားမှုတွေကို ပါဝင်အားဖြည့်ပေးကြတာဖြစ်ပါတယ်။ဝိနည်းတော်နဲ့အညီ အေးအေးချမ်းချမ်းပါဝင်နေကြတဲ့ ဘုန်းဘုန်းတို့ရဲ့ ကြည်ညိုဖွယ်ရာပုံရိပ်တွေကို ပြည်သူတွေအတွက် ပြန်လည်မျှဝေပေးလိုက်ပါတယ်။
Source&Photo Credit: Original Uploder