ပရိသတ်ကြီးရေ.. လက်ရှိအခြေအနေတွေမှာ တစ်ယောက်ကိုတစ်ယောက် ဖေးမကူညီမှုတွေနဲ့ အခက်အခဲတွေကိုရင်ဆိုင်ရင်း မတ်လ(၂၄)ရက်နေ့က Silent Strike ပြုလုပ်ခဲ့ကြတဲ့ ပြည်သူတွေရဲ့စည်းလုံးမှုတွေကတော့ တကယ်ကို ကြည်နူးစရာကောင်းလွန်းပါတယ်..။
လမ်းပေါ်ထွက်လှုပ်ရှားမှုတွေမှာ တက်ကြွစွာပါဝင်ကြသလို Silent Strike မှာလည်း စည်းလုံးကြတဲ့ ပြည်သူတွေရဲ့တော်လှန်ရေးပုံရိပ်တွေကတော့ ပြည်ပနိုင်ငံတွေကပါချီးကျူးနေကြရပြီး ကမ္ဘာကိုပါ သိမြင်စေခဲ့တာလည်း တွေ့ရပါတယ်..။
ပြည်သူတွေအားလုံးပါဝင်ပြုလုပ်ခဲ့ကြတဲ့ Silent Strike မှာ ပရိသတ်တွေနဲ့အတူ အနုပညာရှင်တွေများစွာကလည်း ပါဝင်ခဲ့ကြပြီး သူတို့လှုပ်ရှားမှုတွေကိုလည်း လူမှုကွန်ယက်စာမျက်နှာတွေကနေ အသိပေးဝေမျှခဲ့ကြပါတယ်..။
နာမည်ကျော်ဒိတ်ဒိတ်ကြဲအနုပညာရှင်တွေဖြစ်ကြတဲ့ မင်းမော်ကွန်း၊ ထွန်းထွန်း၊ ဝတ်မှုံရွှေရည်၊ ဖွေးဖွေးတို့အပြင် အခြားသောသရုပ်ဆောင်အနုပညာရှင်တွေနဲ့ ဂီတအနုပညာရှင်တွေပါ နယ်ပယ်အသီးသီးကနေ ပြည်သူတွေနဲ့အတူတစ်သားတည်းရပ်တည်ပါဝင်ခဲ့ကြတာ ဖြစ်ပါတယ်..။
"ဒီနေ့ကတော့ Silent Strike ပါပဲ ကျမတို့တစ်အိမ်လုံး လမ်းပေါ်လုံးဝ မထွက်ပါဘူး ?.." ဆိုပြီး မတ်လ(၂၄)ရက်နေ့က မိသားစုလိုက် ပြည်သူတွေနဲ့ရပ်တည်နေခဲ့တဲ့အကြောင်းလေးကို ပိုးကြာဖြူခင်ကလည်း ပရိသတ်တွေကိုအသိပေး ပြောပြထားတာ တွေ့ရပါတယ်..။
ပုံစံအမျိုးမျိုးနဲ့ပါဝင်ပြီး ပြည်သူတွေနဲ့အတူပါဝင်ရပ်တည်နေကြတဲ့ အနုပညာရှင်တွေကိုလည်း အားလုံးက လေးစားချစ်ခင်စွာနဲ့ အားပေးစကားလေးတွေလည်း အသီးသီးပြောထားကြသလို Silent Strike လုပ်ခဲ့ကြတဲ့ အနုပညာရှင်တွေရဲ့ ပုံရိပ်တွေကိုလည်း တင်ဆက်ပေးလိုက်ပါတယ်..။