မိတ်ကပ်ဖန်တီးရှင် ညီညီမောင် စမ်းချောင်း (သုသု)ကတော့ ၂၀၂၁ ခုနှစ် ဖေဖော်ဝါရီလ အစကတည်းက ပြောင်းလဲ ဖြစ်ပေါ်ခဲ့တဲ့ အခြေအနေတွေမှာ အမှန်တရားဘက်ကနေ ရပ်တည်နေခဲ့တဲ့ ပြည်သူထဲက ပြည်သူတစ်ယောက်ပါ။ သုသုက လူထုလှုပ်ရှားမှုကြီးမှာလည်း သူမကိုယ်တိုင် တက်ကြွစွာ ပါဝင်ခဲ့သလို လိုအပ်နေတဲ့ နေရာတွေမှာလည်း အလှူပြုနေတာကို တွေ့ရပါတယ် ။
ဒီကနေ့ မတ်လ ၂၅ရက်နေ့မှာလည်း သုသုက သူမတတ်နိုင်တဲ့ ဘက်ကနေ အလှူတစ်ခုကို ပြုလုပ်လိုက်ပြန်ပါပြီ။ ဒါကတော့ လက်ရှိဖြစ်ပေါ်နေတဲ့ အခြေအနေတွေကြောင့် အနေအထိုင် အစားအသောက်တွေ ခက်ခဲနေကျတဲ့ လှိုင်သာယာမြို့က ပြည်သူတစ်ချို့အတွက် သုသုက လှူဒါန်းဖို့ပဲ ဖြစ်ပါတယ်။ အမှန်တကယ်လိုအပ်နေတဲ့ လှိုင်သာယာက ပြည်သူတွေကို လှူဒါန်းဖို့အတွက် သုသုက ဆန် ၊ ဆီ ၊ ကြက်သွန်နဲ့ အာလူးကို ကိုယ်တိုင်ထုပ်ပိုး ပြင်ဆင်နေခဲ့ပါတယ်။
စေတနာ သဒ္ဓါတရားထက်သန်စွာ လှူဒါန်းဖို့အတွက် ပြင်ဆင်နေတဲ့ သုသုရဲ့ ပုံတွေအပြင် " တမူးရလို တပဲလှူ တို့ရှမ်းတောင်သူ တူနိုင်ရိုးလား ဒီ အချိန်မှာတော့ ကိုယ်ရှိတဲ့ မျိုးစေ့ထဲက တတ်နိုင်တာလေး ပြန်လှူ ဖြစ်တာပါ ဆန်၊ဆီ၊ကြက်သွန်၊အာလူး လှိုင်သာယာ မှာလှူဖို့ပါ " ဆိုတဲ့ စာသားကိုလည်း သူမရဲ့ Facebook Pageထက်မှာ ရေးသားဝေမျှခဲ့ပါသေးတယ်။ တတ်နိုင်တာလေးနဲ့ အလှူတစ်ခုဖြစ်အောင် ဦးဆောင်ကာ လိုအပ်နေတဲ့ နေရာတွေမှာ လှူဒါန်းဖို့ ပြင်ဆင်နေတဲ့ သုသုရဲ့ ပုံတွေကို ပရိသတ်တွေထံ ပြန်လည်ဖော်ပြပေးလိုက်ပါတယ် ။
သတင်း အရင်းအမြစ်៖ Source & Photo Credit - Nyi Nyi Maung (SanChaung)'s FB page