စင်္ကြာတွေချိတ်တာနဲ့ပတ်သက်ပြီး နားလည်မှုလွဲနေကြတဲ့ ပြည်သူတွေကိုသေသေချာချာ ရှင်းလင်းပြောပြလာတဲ့ ဖြိုးမြတ်အောင်

ပရိသတ်ကြီးရေ ဖေဖော်ဝါရီလ အစကတည်းက ပြောင်းလဲခဲ့တဲ့ အခြေအနေတွေမှာ နိုင်ငံအတွက် တစ်ထောင့်တစ်နေရာကနေ ပါဝင်အားဖြည့်နေတဲ့ အနုပညာရှင်တွေထဲမှာ အဆိုတော် ဖြိုးမြတ်အောင်ကလည်း တစ်ယောက်အပါအဝင်ပါ။ ပြည်သူတွေနဲ့အတူ လူထုလှုပ်ရှားမှုကြီးမှာ တက်ကြွစွာ ပါဝင်နေတဲ့ ဖြိုးမြတ်အောင်က လိုအပ်တဲ့နေရာတွေမှာလည်း သူရဲ့ ချွေးနည်းစာထဲကနေ အလှူပြုလေ့ရှိတာကို တွေ့ရပါတယ်။

ဒါ့အပြင်လည်း အားပေးသူ Follower များတဲ့ သူရဲ့ Facebook Account ထက်မှာလည်း လက်ရှိအခြေအနေနဲ့ သက်ဆိုင်တဲ့ postတွေကို အများပြည်သူသိရအောင် ဝေမျှလေ့ရှိတာပါ။ ဒီကနေ့မှာတော့ ဖြိုးမြတ်အောင်က သူရဲ့ အိမ်ရှေ့မှာ စင်္ကြာလေးတွေချိတ်တာနဲ့ ပတ်သတ်ပြီး အထင်အမြင်လွဲနေတဲ့ လူတစ်ချို့ကို ပြန်လည်ရှင်းပြလာခဲ့ပါတယ်။ 

ဒါကတော့ ဖြိုးမြတ်အောင်က လွန်ခဲ့တဲ့ ၂နှစ်ကတည်းက သူရဲ့ အိမ်ရှေ့မှာ စင်္ကြာချိတ်ခဲ့တာဖြစ်ပြီး အပြင်သွားရင် အန္တရယ်ကင်းအောင် စင်္ကြာပန်းဆောင်လေ့ရှိတာကိုလည်း ပြောပြလာခဲ့ပါတယ်။ အခုလို အခြေအနေမျိုးမှာ သေချာမစုံစမ်းပဲ ထင်မြင်ရာပြောနေကြတဲ့ လူတစ်ချို့ကြောင့် စိတ်အနှောက်အယှက်ဖြစ်ခဲ့ရတဲ့ ဖြိုးမြတ်အောင်က " စင်္ကြာချိတ်ထား တိုင်း ဒလန်မဟုတ်ဘူး ဆိုတာပြောချင်တာပါ သေချာ တိတိကျကျ စုံစမ်းပြီးမှ အဖြေ ထုတ်ကြပါ ခင်ဗျာ အရေး တော်ပုံအောင်ရမည် " ဆိုပြီး သူရဲ့ ဖြေရှင်းချက်အဆုံးမှာ ရေးသားဝေမျှလာတာဖြစ်လို့ ပရိသတ်တွေထံ ပြန်လည်တင်ဆက်ပေးလိုက်ပါတယ်။ 

သတင်း အရင်းအမြစ်៖ Source & Photo credit - Phyo Myat Aung's FB account