သရုပ်ဆောင်မင်းသားနေဒွေးကတော့ ဇာတ်ကားတွေများစွာရိုက်ကူးထားကာ အနုပညာလောကမှာ ပရိသတ်အခိုင်အမာနဲ့အောင်မြင်စွာရပ်နေသလို စီးပွားရေးလုပ်ငန်းတွေမှာလည်း တစိုက်မတ်မတ်ကြိုးစားလုပ်ဆောင်နေသူလည်း ဖြစ်ပါတယ်..။
လက်ရှိဖြစ်ပေါ်နေတဲ့အခြေအနေတွေမှာလည်း လှူဒါန်းမှုတွေပြုလုပ်ပြီး တတ်နိုင်သလောက် ပြည်သူတွေနဲ့ ရပ်တည်ဖြတ်သန်းနေတဲ့ နေဒွေးကတော့ ပြီးခဲ့တဲ့ဖေဖော်ဝါရီလကတည်းက မကြာခဏ လှူဒါန်းမှုတွေ ပြုလုပ်နေသူပါပဲ..။
အလှူတွေဆက်တိုက်ပြုလုပ်နေတဲ့ နေဒွေးကတော့ ဒီကနေ့မှာလည်း လှိုင်သာယာကပြည်သူတွေအတွက် စားသောက်ကုန်တွေလှူဒါန်းမယ့် သူ့ရဲ့အစီအစဉ်လေးမှာပါဝင်ကြဖို့ စေတနာရှင် အလှူရှင်တွေကို ဖိတ်ခေါ်လိုက်ပါတယ်..။
မတ်လ(၂၆)ရက်နေ့မှာ လှိုင်သာယာက စားဝတ်နေရေးခက်ခဲနေကြတဲ့ပြည်သူတွေအတွက် ဆန်တွေဆီတွေအပြင် အခြားစားသောက်ကုန်တွေကို သွားရောက်လှူဒါန်းမှာဖြစ်ပြီး အလှူမှာပါဝင်နိုင်တဲ့အကြောင်းကိုလည်း အသိပေးဖိတ်ခေါ်ထားပါ..။
"မနက်ဖန် မနက်မှာ လှိုင်သာယာမြို့နယ်ထဲမှာရှိသော စားဝတ်နေရေးခက်ခဲနေသောပြည်သူများအတွက် ဆန်, ဆီ , ခေါက်ဆွဲခြောက် , ငါးခြောက် , ကြက်ဥ စားသောက်ကုန်များသွားရောက်လှုဒါန်းပါမည်ခင်ဗျ?????? မည်သူမဆို ပါဝင်ပူးပေါင်းလိုက်ပါလှုဒါန်းနိုင်ပါသည်ခင်ဗျ❤️?.." ဆိုပြီး နေဒွေးက အသိပေးပြောပြထားတာပါ..။
ပြည်သူတွေအတွက် ကျရာတာဝန်ကိုတတ်နိုင်တဲ့ဘက်ကနေ ထမ်းဆောင်နေကြတဲ့ အခြားသောအနုပညာရှင်တွေနဲ့အတူ တတ်နိုင်သလောက်လှူဒါန်းမှုတွေပြုလုပ်နေတဲ့ နေဒွေးရဲ့အလှူမှာလည်း ပရိသတ်တွေက ပါဝင်နေကြတာလည်း တွေ့ရပါတယ်..။
သတင်း အရင်းအမြစ်៖ Nay Dway's Fb Acc