လက်ရှိမှာဆိုရင် လူထုလှုပ်ရှားမှုတွေမှာပါဝင်ရင်း အသက်ပေးသွားရပြီဖြစ်တဲ့ သူရဲကောင်းတွေလည်း အများအပြားရှိနေပြီဖြစ်ပါတယ်။ကျဆုံးသူရဲကောင်းတွေရဲ့ကျန်ရစ်သူမိသားစုဝင်တွေကို ပြည်သူလူထုက မမေ့မလျော့ဘဲ တတ်နိုင်သလောက် စောင့်ရှောက်ပေးနေကြတာဖြစ်ပါတယ်။လမ်းပေါ်ထွက်ရင် အသက်ဆုံးရှုံးရမယ်ဆိုတာသိပေမယ့်လည်း ပြည်သူတွေကတော့ ဒီနေ့အချိန်ထိတိုင် လှုပ်ရှားနေကြဆဲဖြစ်ပြီး ကျဆုံးသွားတဲ့သူရဲကောင်းတွေအသက်ပေးရတာနဲ့တန်အောင် အားမလျော့ကြသေးတာဖြစ်ပါတယ်။
မြို့နယ်အသီးသီးမှာရှိတဲ့ပြည်သူတွေကတော့ သူရဲကောင်းတွေကျဆုံးသွားတဲ့ နေရာတွေမှာ ဖယောင်းတိုင်တွေထွန်းပေးပြီး ပန်းတွေနဲ့သေချာပြင်ဆင်ပေးထားကြတာဖြစ်ပါတယ်။ပြည်သူလူထုက သူရဲကောင်းတွေကျဆုံးခဲ့တဲ့နေရာလေးကို အမြဲသွားရောက်ပြီး မိသားစုတွေနဲ့ထပ်တူ နှမျောတသနဲ့ ဝမ်းနည်းကြေကွဲနေကြတာ ဖြစ်ပါတယ်။အခုဆိုရင်တော့ ကျဆုံးသူရဲကောင်းတွေက သုံးရက်ဆက်တိုက် အိပ်မက်ပေးတဲ့အကြောင်းလေးကို ပြည်သူတစ်ဦးက မျှဝေလာခဲ့တာဖြစ်ပါတယ်။
“ကျဆုံးသူရဲကောင်းတွေက သူတို့လည်းတော်လှန်ရေးလုပ်နေတယ် ထမင်းဘူးလာမပေးကြဘူး”လို့ အိပ်မက်ပေးတာကြောင့် တချို့ပြည်သူတွေက လမ်းဆုံလေးတွေမှာ ထမင်းဘူးတွေချပေးထားကြတာဖြစ်ပါတယ်။အမှန်တရားအတွက်ရင်ဆိုင်ရင်း အသက်ပေးသွားရပြီဖြစ်တဲ့ သူရဲကောင်းတွေကတော့ အခုချိန်ထိလည်း ပြည်သူတွေကိုကူညီနေသေးတာဖြစ်ပါတယ်။ဒါ့ကြောင့် ကျဆုံးသူရဲကောင်းတွေအတွက် ထမင်းဘူးချပေးထားတဲ့ တောင်ကြီးလမ်းဆုံတစ်နေရာကပုံရိပ်တွေကို ပြန်လည်မျှဝေပေးလိုက်ပါတယ်။
Source&Photo Credit: Original Uploder