သရုပ်ဆောင် မင်းသမီး ဆောင်းအိန္ဒြေထွန်း(မမဆောင်း) ကတော့ အနုပညာနယ်ပယ်မှာ ဆယ်စုနှစ်တစ်ခုကြာ ရပ်တည်အောင်မြင်နေတဲ့ သူတစ်ယောက်ပါ။
ပွင့်လင်းဖော်ရွေတဲ့ အပြောအဆိုနဲ့ အလှူအတန်းရက်ရောတဲ့ သူမက လက်ရှိဖြစ်ပေါ်နေတဲ့ အခြေအနေတွေမှာလည်း ချွေးနည်းစာထဲကနေ လိုအပ်နေတဲ့ ပြည်သူတွေထံ အလှူပြုလေ့ရှိတာကို တွေ့ရပါတယ်။
မနေ့က မတ်လ ၂၅ရက်နေ့မှာတော့ မမဆောင်းက မြောက်ဥက္ကလာမြို့နယ်က သူမရဲ့ အကိုထံသွားရောက်ခဲ့တာဖြစ်ပြီး အနီးအနားတစ်ဝိုက်က စားရေးသောက်ရေး ခက်ခဲနေတဲ့ ကလေးတွေအတွက် မုန့်နဲ့ ပြည်သူအချို့ကို ငွေကြေးလှူဒါန်းခဲ့တာပါ။ အလှူအတန်းဆို လက်မနှေးတတ်တဲ့ မမဆောင်းရဲ့ အလှူပုံရိပ်တွေက ကြည့်မိသူတိုင်းကို ကြည်နူးပီတိဖြစ်စေမှာ အသေအချာပဲ ဖြစ်ပါတယ်။
မမဆောင်းက သူမရဲ့ Facebook Account ထက်မှာ အလှူပြုခဲ့တဲ့ ကြည်နူးစရာပုံရိပ်တွေအပြင် "မနေ့ က မမဆောင်း အလှူ ကိုယ်နဲ့ ဆိုဒ်တူဂိုက်တူ ကလေးတွေကို မုန့်လှူ မြောက်ဥက္ကလာ ၃ ရပ်ကွက်မှာ အစ်ကို မျက်စိခွဲထားလို့ သွားကန်တော့ရင်း သွားလှူ လူကြီးတွေကိုတော့ စာအိတ် နဲ့ ကိုယ်တတ်နိုင်သလောက်အလှူငွေလှူခဲ့ပါတယ်ရှင့် နောက်ပိုင်း များများလှူပေးမယ်နော် " ဆိုတဲ့ စာသားကိုလည်း ရေးသားဝေမျှခဲ့ပါသေးတယ်။ အခုလို အခြေအနေမျိုးမှာ တတ်နိုင်သလောက် လှူဒါန်းနေတဲ့ မမဆောင်းရဲ့ ပုံရိပ်တွေကို ပရိသတ်တွေထံ ပြန်လည်တင်ဆက်ပေးလိုက်ပါတယ်။
သတင်း အရင်းအမြစ်៖ Source & Photo Credit - မမ ဆောင်း's Facebook Page