အဆိုတော် G Fatt ကတော့ လက်ရှိ မြန်မာနိုင်ငံတွင် ဖြစ်ပေါ်နေတဲ့ လူထုလှုပ်ရှားမှုတွေမှာ ပြည်သူတစ်ဦးအနေနဲ့ တက်ကြွစွာ ပူးပေါင်းပါဝင်နေတာလည်း ဖြစ်ပါတယ်။ နေ့စဉ်ရက်ဆက် မမောနိုင် မပန်းနိုင်အောင် လမ်းပေါ်ထွက်ကာ ဆန္ဒထုတ်ဖော်နေရုံတင်မကဘဲ အရေးကြီးတဲ့ အချိန်တွေမှာလည်း Defense Team မှ လူငယ်တွေနဲ့အတူ ရှေ့ဆုံးကနေထွက်ကာ ကာကွယ်နေတာလည်း ဖြစ်ပါတယ်။
မကြာသေးခင် မိနစ်ပိုင်းလောက်ကလည်း G Fatt ရဲ့ လူမှုကွန်ယက်စာမျက်နှာမှာ စိတ်မကောင်းစရာသတင်းတစ်ခုရေးသား ဝေမျှပေးထားတာပဲ ဖြစ်ပါတယ်။ ဒါကတော့ ဒီကနေ့မှာဘဲ ချစ်ခင်ရတဲ့ ညီလေးတစ်ယောက်ကျဆုံးသွားခဲ့တဲ့အတွက် စိတ်ထိခိုက်ဝမ်းနည်းနေပြီး သူနဲ့ပတ်သက်တဲ့ အမှတ်တရလေးတွေကို ရေးသားထားတာပဲ ဖြစ်ပါတယ်။ "
သွားနှင့်တော့ ညီလေး ဖီဖီရေ . ၁၆ /၃ အတွက်ငါဂုဏ်ယူတယ်ညီလေး ။ အထက ၂ သပိတ်ကြောင်းတူတူထွက်ဖူးတဲ့ညီလေး ...
မင်းအစ်ကို ခင်ရှင်းလေးတော့ ပေါက်ကွဲနေရော့မယ်ကွာ ..ခင်ရှင်းလေးရေ ကိုကြီးတို့ မင်းညီအတွက်အဆုံးထိတိုက်မှာပါကွာ မင်းဘယ်လောက်နာကျင်နေမလဲ ငါခံစားမိပါတယ် စတွေ့တည်းက တက်ကြွပြီး ရိုးသားတဲ့ညီငယ်တွေနဲ့ အတူတူ ရုန်းခွင့်ရတာ ငါဂုဏ်ယူပါတယ် ဒီနေ့တော့ ငါ ငိုင်ကျသွားတော့တာပါပဲကွာ .. ငါတို့မင်းအတွက်တာဝန်ကျေစေရမယ်ညီလေး .. ဒီအရေးတော်ပုံမှာ မင်းရိုက်ပေးတဲ့ဓါတ်ပုံတွေငါတင်ဖူးပေါ့ကွာ ..ထ၂ သပိတ်ကြောင်းမှာ မင်းရှေ့က ပြေးလိုက်ပုံရိုက်လိုက် ငါမျက်လုံးထဲကမထွက်ဖူးကွာ .. မင်းက ၁၆ရပ်ကွက်ရဲ့ တစ်နိုင်ငံလုံးရဲ့ သူရဲကောင်းပါညီလေး ငါဦးညွှတ်ပါတယ် ။ ကျန်တဲ့ညီတွေလဲ နောက်နေ့တွေဂရုစိုက်ပါကွာ ငါတို့ထပ်မပေးပါရစေနဲ့တော့ ငါလည်း ဘာပြောရမှန်းကိုမသိတော့ပါဘူးကွ ငါရပ်ကွက်ထဲအတူမရှိပေးနိုင်ခဲ့တာ တောင်းပန်ပါတယ်ကွာ ။ ငါတတ်နိုင်တာ အကုန်ဝင်ကူပါ့မယ် ကွာ ။
#အာဏာရှင်စနစ်ကျဆုံးပါစေ " ဆိုပြီး ရေးသားထားတာပဲ ဖြစ်ပြီး ပရိသတ်တွေအတွက် ဒီသတင်းလေးကိုတစ်ဆင့်ပြန်လည်ကူးယူတင်ဆက်ပေးလိုက် ရပါတယ်နော်။
Source and Photo Crd-G Fatt’s Facebook Account