ယခုဖြစ်ပေါ်နေတဲ့အခြေအနေတွေမှာဆိုရင် လူမှန်းသိတတ်စအရွယ် ကလေးငယ်လေးတွေကပါ အသက်ပေးနေရတာဖြစ်ပါတယ်။မိဘတွေအနေနဲ့လည်း မိမိတို့ရဲ့အဖိုးတန်သားသမီးလေးတွေကို ဆုံးရှုံးလိုက်ရလို့ ရင်ကွဲမတက်ဖြစ်နေကြတာဖြစ်ပါတယ်။မနေ့ကဆိုရင်လည်း ရွှေဘိုမြို့က (၁၃)နှစ်အရွယ်သာရှိသေးတဲ့ ယောက်ျားလေးတစ်ယောက်ကတော့ ဘာမှန်းမသိလိုက်ခင်အချိန်မှာပဲ ကျည်ဆံထိမှန်သွားပြီး အသက်ဆုံးရှုံးသွားတာပဲဖြစ်ပါတယ်။ဖခင်ဖြစ်သူကလည်း သားလေးရဲ့ခန္ဓာကိုယ်ကို ကျစ်ကျစ်ပါအောင်ဖက်ရင်း ငိုနေရှာတာဖြစ်ပါတယ်။
ယောက်ျားရင့်မာကြီးတစ်ယောက်ဖြစ်ပေမယ့်လည်း အရမ်းချစ်ရတဲ့သားလေးကိုဆုံးရှုံးလိုက်ရတဲ့အတွက်“ကျွန်တော့်သား သေသွားတာ”ဆိုပြီး အော်ဟစ်ငိုယိုနေတာ ဖြစ်ပါတယ်။သားလေးကို မကြာခင်မှာရှင်ပြုပေးဖို့အတွက်စီစဉ်ထားတာဖြစ်ပေမယ့်လည်း မိဘတွေရဲ့အပျော်ဆုံးနေ့ဖြစ်တဲ့ သားရှင်ပြုနေ့ကိုတောင် မရောက်နိုင်တော့တာဖြစ်ပါတယ်။ သားလေးရဲ့အပြုံးတွေ၊ကစားနေတဲ့ပုံလေးတွေကို နောက်ထပ်မြင်တွေ့ခွင့်မရနိုင်တော့တဲ့ ဖခင်ကတော့ ရူးမတတ်ခံစားနေရတာဖြစ်ပါတယ်။
မျှော်လင့်ချက်အလင်းရောင်လေးပျောက်ကွယ်သွားလို့ ယူကြုံးမရဖြစ်နေတဲ့ ဖခင်ဖြစ်သူရဲ့ခံစားချက်ကို ပြည်သူတွေကလည်း နားလည်ပြီး ထပ်တူထပ်မျှခံစားနေကြရတာဖြစ်ပါတယ်။ဒီလိုမျိုးအဖြစ်အပျက်တွေကြောင့် လူငယ်တွေရဲ့အနာဂတ်၊မိဘတွေရဲ့မျှော်လင့်ချက်တွေကို ဆုံးရှုံးနေရတာပဲဖြစ်ပါတယ်။သားလေးကို သူ့ရဲ့ခန္ဓာကိုယ်ပေါ်မှာပွေ့ဖက်ပြီး ဖြေသိမ့်လို့မရနိုင်အောင် ရှိုက်ကြီးတငင်ငိုနေရှာတဲ့ ဖခင်ဖြစ်သူရဲ့ ဗီဒီယိုဖိုင်လေးကိုကြည့်ပြီး နာကျင်ခံစားရလို့ ပြန်လည်မျှဝေပေးလိုက်ပါတယ်။
Photo Credit: Original Uploder
Source&Video Credit: Original Uploder