အဆိုတော် ရှိုင်းကတော့ လက်ရှိဖြစ်ပေါ်နေတဲ့ လူထုလှုပ်ရှားမှုတွေမှာ ပြည်သူတွေနဲ့အတူ ပူးပေါင်းပါဝင်ခဲ့သူ တစ်ဦးပဲ ဖြစ်ပါတယ်။ လမ်းပေါ်ထွက်ကာ ဆန္ဒထုတ်ဖော်နေတဲ့ ပြည်သူတွေကို ရှေ့ဆုံးကနေ ကာကွယ်ပေးနေတာကြောင့်လည်း အားလုံးက လေးစားနေကြတာပါ။ လူထုလှုပ်ရှားမှုတွင် ပါဝင်နေရုံတင်မကဘဲ ရခိုင်ပြည်နယ်၊မြောက်ဦးမြို့နယ်က တိမ်ညိုစစ်ဘေးရှောင်စခန်းတွင် မီးဘေးသင့်ခံခဲ့ရတဲ့ ပြည်သူတွေအတွက်လည်း တတ်နိုင်သလောက် လှူဒါန်းမှုတွေ ဆောင်ရွက်နေတာလည်း ဖြစ်ပါတယ်။
အလှူရှင်များစွာကလည်း မီးဘေးသင့်ပြည်သူများအတွက် ရှိုင်းထံမှ တစ်ဆင့် အလှူငွေတွေ လှူဒါန်းနေတာက်ိုလည်း ကြည်နူးစွာ မြင်တွေ့ကြရမှာပါ။ မကြာသေးခင် နာရီပိုင်းလောက်ကလည်း ရှိုင်းရဲ့ လူမှုကွန်ယက်စာမျက်နှာတွင် ထပ်မံကောက်ခံရရှိထားတဲ့ အလှူငွေတွေအား တိမ်ညိုစစ်ဘေးရှောင်စခန်းသို့ သွားရောက်လှူဒါန်းခဲ့တဲ့ ပုံရိပ်တွေကို ဝေမျှပေးထားတာပဲ ဖြစ်ပါတယ်။
သူကလည်း " ထပ်မံ လှူဒါန်းပေးအပ်ခဲ့ပါပြီ ခင်ဗျာ . . . ??
တိမ်ညိုစစ်ဘေးရှောင်စခန်းအတွက် ထပ်မံရရှိအလှူငွေ စုစုပေါင်း ၃၃၃၆၅၀၀ ကျပ် ( သုံးဆယ့်သုံးသိန်း သုံးသောင်း ခြောက်ထောင့်ငါးရာကျပ် ) ကို ဒီနေ့ ကိုယ်တိုင် ထပ်မံသွားရောက်လှူဒါန်းပေးအပ်ခဲ့ပါတယ် . . .
ကျွန်တော့်ဆီမှာ ယုံယုံကြည်ကြည်နဲ့ လှူဒါန်းပေးကြသူများအားလုံးကို ကျေးဇူးအထူးတင်ရှိကြောင်း ထပ်မံ ပြောကြားလိုပါတယ်ခင်ဗျာ . . .
အဖရခိုင်ပြည်ကြီး အေးချမ်းပါစေ . . .
အမိမြန်မာနိုင်ငံတော်ကြီး အေးချမ်းပါစေ . . .
အာဏာရှင်မှန်သမျှ မုချ ကျရှုံးပါစေ . . .
အားလုံး ဘေးအန္တရာယ် ကင်းဝေးကြပါစေ . . .
#Save_Arakan
#Save_Myanmar
( ps - မကြာမီ ရက်ပိုင်းအတွင်း ရန်ကုန်ကို ပြန်လာပြီး " နွေဦးအလှူခံ " မှ ကျန်ရှိနေသေးသော အလှူငွေများဖြင့်အရေးတော်ပုံအတွင်း လိုအပ်သလို ဆက်လက်လှုပ်ရှားသွားပါမည် . . . ✊??? )" ဆိုပြီး ရေးသားထားတာပဲ ဖြစ်ပြီး ပရိသတ်တွေအတွက် ဒီသတင်းလေးကို တစ်ဆင့်ပြန်လည် ကူးယူတင်ဆက်ပေးလိုက် ရပါတယ်နော်။
Source and Photo Crd-Shine’s Facebook Page