လတ်တလောမှာ ဖြစ်ပေါ်နေတဲ့ အခြေအနေတွေကြောင့် မြန်မာနိုင်ငံက နေရာတစ်ချို့မှာဆိုရင် တိမ်းရှောင်နေရတဲ့ ပြည်သူတွေလည်း ရှိလာခဲ့ပြီ ဖြစ်ပါတယ် ။ကရင်ပြည်နယ်နဲ့ ကချင်ပြည်နယ်တွေမှာ စစ်ဘေးရှောင်ပြည်သူတွေ များပြားလာခဲ့ပြီဖြစ်သလို မန္တလေးတိုင်းဒေသကြီးမှာလည်း မီးဘေးကြောင့် ဘေးလွတ်ရာကို ပြောင်းရွှေ့ခဲ့ရတဲ့သူတွေ ရှိနေခဲ့တာပဲ ဖြစ်ပါတယ် ။ အဲ့ဒီပြည်သူတွေအတွက် အလှူရှင်တွေကလည်း လိုအပ်တာတွေကို တတ်နိုင်သလောက် လှူဒါန်းပေးနေတာ ဖြစ်ပါတယ် ။

Photo Credit-Ying Ying's FB Acc

မီးဘေးနဲ့ စစ်ဘေးရှောင်ပြည်သူတွေအတွက် အစားအသောက်တွေအပြင် အဝတ်အစားတွေပါ လိုအပ်တာကြောင့် အလှူခံတဲ့ Post တွေလည်း လူမှုကွန်ယက်စာမျက်နှာတွေထက်မှာ မြင်တွေ့လာရတာ ဖြစ်ပါတယ် ။ အခုလည်း စေတနာရှင် အမျိုးသမီးတစ်ဦးက မီးဘေးနဲ့စစ်ဘေးရှောင် ပြည်သူတွေထဲမှာပါဝင်တဲ့ ကလေးတွေအတွက် အဝတ်အစားတွေကို ကိုယ်တိုင်ချုပ်ပြီး လှူဖို့ပြင်ဆင်နေတာ ဖြစ်ပါတယ် ။ အဲ့ဒီအမျိုးသမီးက သူမမှာရှိတဲ့အစလေးတွေနဲ့ ကလေးဝတ် အထည်လေးတွေကို ချုပ်လုပ်ဖြစ်ခဲ့တာ ဖြစ်ပါတယ် ။

Photo Credit-Ying Ying's FB Acc
Photo Credit-Ying Ying's FB Acc

"တောင်းမှာအကွပ် လူမှာအဝတ်" ဆိုတဲ့စကားအတိုင်း ကလေးတွေကို ဝတ်စေချင်တဲ့စေတနာနဲ့ အဝတ်ဆင်ပေးချင်တာကြောင့် ပိတ်စတွေ အလှူခံလာခဲ့တာ ဖြစ်ပါတယ် ။ တစ်ယောက်အားထက်စာရင် အများအားနဲ့ ဝိုင်းဝန်းကူညီပေးမှသာ ကလေးတွေအတွက် အဆင်ပြေနိုင်မှာဖြစ်ကြောင်း ပြောထားတာလည်း ဖြစ်ပါတယ် ။ စေတနာရှင် အမျိုးသမီးကိုယ်တိုင် မီးဘေးနဲ့စစ်ဘေးရှောင်နေရတဲ့ ကလေးတွေအတွက် ရည်ရွယ်ပြီး ချုပ်လုပ်ပေးထားတဲ့ ကလေးဝတ် အထည်ပုံလေးတွေကိုလည်း ဖော်ပြပေးလိုက်ရပါတယ်။

Source & Photo Credit-Ying Ying's FB Acc

Photo Credit-Ying Ying's FB Acc
Photo Credit-Ying Ying's FB Acc
Photo Credit-Ying Ying's FB Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။