ယခုဖြစ်ပေါ်နေတဲ့အခြေအနေကြောင့် အသက်ဆုံးရှုံးသွားရတဲ့သူတွေထဲမှာ ပညာတတ်လူငယ်လေးတွေ၊မိသားစုအတွက်ရုန်းကန်ပေးနေရတဲ့သူတွေ အများအပြားပါဝင်နေတာဖြစ်ပါတယ်။အခုဆိုရင်လည်း အသက်(၂၃)နှစ်အရွယ်ပဲရှိသေးတဲ့ မောင်ဇေယျာလင်း(ခ)ဇေယျာမျိုးနိုင်က မိသားစုရဲ့စားဝတ်နေရေးအတွက် (၃၀.၃.၂၀၂၁)မှာအလုပ်သွားလုပ်ရင်း ကျည်ထိမှန်ကာကျဆုံးသွားခဲ့တာ ဖြစ်ပါတယ်။မောင်ဇေယျာမျိုးနိုင်တို့မိသားစုက အခြေခံလူတန်းစားတွေဖြစ်တာကြောင့် ဒီသားလေးအပေါ်ပဲမှီခိုနေကြရတာ ဖြစ်ပါတယ်။
မောင်ဇေယျာမျိုးနိုင်က မိသားစုကို သူတတ်တဲ့ပညာလေးနဲ့လုပ်ကျွေးပြုစုနေတဲ့ သားလိမ္မာလေးတစ်ယောက်ဖြစ်ပါတယ်။အခုလိုမျိုး မိသားစုအတွက်အားကိုးရတဲ့သားလေးက အသက်ပေးသွားရတာကြောင့် ကျန်ရစ်သူမိသားစုအနေနဲ့လည်း အားကိုးစရာမရှိတော့တာ ဖြစ်ပါတယ်။ဖခင်ဖြစ်သူဆိုရင်လည်း ကျဆုံးသွားတဲ့သားလေးရဲ့ဓာတ်ပုံကိုရင်ခွင်ထဲမှာ ပိုက်ထားပြီး အရမ်းခံစားနေရတာဖြစ်ပါတယ်။ပြည်သူတွေကလည်း သားလေးကိုအရမ်းချစ်တဲ့ဖခင်ရဲ့ပုံရိပ်တွေကို ကြည့်ပြီး စိတ်မကောင်းဖြစ်နေကြတာ ဖြစ်ပါတယ်။
အခုလိုဖြစ်ရပ်ကြောင့် ကျန်ရစ်သူမိသားစုရဲ့ရှေ့ရေးလည်း အခက်အခဲများစွာဖြစ်ပေါ်လာနိုင်လို့ ပြည်သူလူထုကလည်း ဝိုင်းဝန်းပြီးကူညီဖေးမပေးနေကြတာဖြစ်ပါတယ်။မောင်ဇေယျာမျိုးနိုင်ရဲ့ သူငယ်ချင်းတွေကလည်းကျန်ရစ်သူမိသားစုအတွက် ကူညီပြီးအလှူခံပေးနေကြတာဖြစ်ပါတယ်။သားလေးရဲ့အလောင်းဘေးနားကနေမခွာဘဲ ဝမ်းနည်းခံစားနေရတဲ့ ဖခင်ဖြစ်သူရဲ့ပုံရိပ်လေးတွေကို ပြည်သူတွေက စိတ်မကောင်းဖြစ်စွာနဲ့ လူမှုကွန်ယက်စာမျက်နှာပေါ်မှာ Shareနေကြလို့ ပြန်လည်မျှဝေပေးလိုက်ပါတယ်။
Source&Photo Credit: Original Uploder