လူထုလှုပ်ရှားမှုပွဲတွေကတော့ ဖေဖော်ဝါရီလကတည်းက စတင်ပေါ်ပေါက်ခဲ့တာဖြစ်ပြီး ပြည်သူတွေကလည်း ယခု ဧပြီလအထိတိုင်အောင် အရှိန်အဟုန်မပျက် ကြိုးစားလာခဲ့ကြတာ ဖြစ်ပါတယ် ။ လက်ရှိမှာဆိုရင် မြန်မာတစ်နိုင်ငံလုံး အတိုင်းအတာအနေနဲ့ ကျဆုံးသူ (၅၀၀) ကျော်တောင် ရှိလာခဲ့ပြီပဲ ဖြစ်ပါတယ် ။ အသက်ပေးသွားခဲ့ရတဲ့သူတွေရဲ့ရဲစွမ်းသတ္တိရှိမှုကို အသိအမှတ်ပြုပြီး ပြည်သူတွေက သူတို့ကို သူရဲကောင်းလို့ လေးစားသဖြင့် ခေါ်ဝေါ်ကြတာ ဖြစ်ပါတယ် ။

Photo Credit-Original Uploader

သင်္ဃန်းကျွန်းမြို့နယ်မှာ ကျဆုံးခဲ့တဲ့ ကိုဟိန်းထက်ဒွေးကလည်း တကယ့်ကို လေးစားချင်စရာကောင်းတဲ့ သူရဲကောင်းတစ်ယောက် ဖြစ်ပါတယ် ။ အသက် (၂၄)နှစ်အရွယ်ရှိတဲ့ ကိုဟိန်းထက်ဒွေးက Food Panda Rider အဖြစ် လုပ်ကိုင်ခဲ့သူ ဖြစ်ပါတယ် ။ သူကတော့ လှိုင်သာယာမှာ ပစ်ဖောက်ဖြိုခွင်းမှုတွေ ဖြစ်နေတဲ့ညမှာ "သင်္ဃန်းကျွန်းက ငြိမ်နေလို့မရဘူး" ဆိုပြီး ထွက်ကူပေးခဲ့တာ ဖြစ်ပါတယ် ။ အဲ့လိုနဲ့ပဲ လူစုခွဲဖြိုခွင်းမှုတွေ ကြုံတွေ့လာရတဲ့အချိန်မှာတောင် ကိုဟိန်းထက်ဒွေးက မပြေးဘဲ "တစ်ခါပဲသေမယ် နှစ်ခါမသေဘူး"လို့ ပြောခဲ့တာ ဖြစ်ပါတယ် ။

Photo Credit-Original Uploader
Photo Credit-Original Uploader

ကိုဟိန်းထက်ဒွေးက ပြည်သူတွေကိုပါဝင်အားဖြည့်ရင်းနဲ့ပဲ ဘယ်ဘက်နံရိုးကနေ ကျည်ဝင်ပြီး နှလုံးကိုထိမှန်ခဲ့တာ ဖြစ်ပါတယ် ။ ကျည်ထိသွားတဲ့အချိန်မှာတောင် ကိုဟိန်းထက်ဒွေးက သူ့ကိုထားခဲ့ပြီး လွတ်အောင်ပြေးဖို့ ဘေးက ညီငယ်လေးတွေကိုပြောခဲ့တာ ဖြစ်ပါတယ် ။ ဒါကြောင့် ကိုယ့်အသက်ကိုတောင် ပဓာနမထားဘဲ ရဲရဲရင့်ရင့် ပါဝင်လှုပ်ရှားခဲ့တဲ့ ကိုဟိန်းထက်ဒွေးကို ပြည်သူတွေက လေးစားဂုဏ်ပြုနေကြတာ ဖြစ်ပါတယ် ။ ကိုဟိန်းထက်ဒွေးလည်း ကောင်းရာသုဂတိလားပါစေလို့ ဆုတောင်းပေးလိုက်ရပါတယ်။

Source & Photo Credit-Original Uploader

Photo Credit-Original Uploader
Photo Credit-Original Uploader
Photo Credit-Original Uploader

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။