ပရိသတ်ကြီးရေ.. သရုပ်ဆောင်ကောင်းမှုတွေနဲ့ ဇာတ်ကားတွေများစွာရိုက်ကူးအောင်မြင်နေတဲ့ မင်းသားဘုန်းဆက်သွင်ကတော့ တော်လှန်ရေးတိုက်ပွဲကြီးမှာ အားလုံးနဲ့အတူ အားကြိုးမာန်တက်ပါဝင်နေသူပဲ ဖြစ်ပါတယ်..။
ဖေဖော်ဝါရီလအစပိုင်းကတည်းက နေ့တိုင်းလိုလိုလမ်းပေါ်ထွက်လူထုလှုပ်ရှားမှုတွေကို အင်တိုက်အားတိုက်ပြုလုပ်နေပြီး ယနေ့အချိန်ထိလည်း ပြည်သူတွေနဲ့ရပ်တည်နေကာ လှူဒါန်းမှုတွေကို တတ်နိုင်သလောက်ပြုလုပ်နေတာပါ..။
အားလုံးရဲ့အနာဂတ်နဲ့ ယုံကြည်မှုတွေအတွက် သွေးမအေးသွားဘဲ တတ်နိုင်တဲ့ဘက်ကနေ အစွမ်းကုန်ကြိုးစားနေတဲ့ ဘုန်းဆက်သွင်ကတော့ တစ်နိုင်ငံလုံးပြုလုပ်နေတဲ့ ကြက်ဥကမ်ပိန်းမှာလည်း တက်ကြွစွာပါဝင်နေတာလည်း တွေ့ရပါတယ်..။
အားမာန်တွေအပြည့်နဲ့ လမ်းလျှောက်လှုပ်ရှားမှုပြုလုပ်ပြီး ကြက်ဥကမ်ပိန်းမှာ ပါဝင်ရင်း အောင်ပွဲတွေအတွက် ကြိုးစားနေတဲ့ ပုံရိပ်တွေကိုလည်း ဘုန်းဆက်သွင်က ပရိသတ်တွေကိုလည်း ဝေမျှထားပါသေးတယ်..။
"Day 63, Easter Egg Strike Yangon
တိုက်ပွဲ ရှိရင် အောင်ပွဲ ရှိမယ်
အောင်စိတ်မြဲရင် အောင်ပွဲရမယ်
အရေးတော်ပုံ အောင်ရမည်
???.." ဆိုပြီး လှုပ်ရှားမှုပုံရိပ်တွေကို ဘုန်းဆက်သွင်က ဝေမျှထားတာပါ..။
အမြဲတမ်းလိုလို လှုပ်ရှားမှုတွေကိုတက်ကြွစွာပြုလုပ်နေတဲ့ ဘုန်းဆက်သွင်ကတော့ ကြက်ဥကမ်ပိန်းမှာလည်း အားလုံးနဲ့အတူပါဝင်နေပြီး သူ့ရဲ့ပုံရိပ်တွေကိုလည်း ပရိသတ်တွေက သဘောကျကာအားပေးထားကြတာလည်း ဖြစ်ပါတယ်..။
သတင်း အရင်းအမြစ်៖ PhoneSett Thwin's Fb Acc