သရုပ်ဆောင် ညီထွဋ်ခေါင်ကတော့ မြန်မာနိုင်ငံတွင် ဖြစ်ပေါ်နေသော လူထုလှုပ်ရှားမှုတွေမှာ ပြည်သူတွေနဲ့အတူပါဝင်နေတဲ့ အနုပညာရှင်တစ်ဦးပဲ ဖြစ်ပါတယ်။ ရန်ကုန်မြို့က လမ်းမတွေထက်မှာ ရင်ထဲက ဆန္ဒအမှန်တရားတွေကို အားမာန်အပြည့်နဲ့ ထုတ်ဖော်ပြသခဲ့ပြီး သူ့ရဲ့ လူမှုကွန်ယက်စာမျက်နှာကနေ သတင်းအချက်အလက်တွေကို အချိန်နဲ့တစ်ပြေးညီ ဝေမျှပေးနေတာလည်း ဖြစ်ပါတယ်။
ဒါ့အပြင် ဖမ်းဆီးထိန်းသိမ်းခံထားရတဲ့ ကျောင်းသား၊ ကျောင်းသူတွေ အမြန်ဆုံးလွတ်မြောက်အောက်လည်း Speak Out လုပ်ပေးနေသူဖြစ်တာကြောင့် ပရိသတ်တွေအားလုံးက ညီထွဋ်ခေါင်ရဲ့ လုပ်ဆောင်မှုတွေကို ချီးကျူးနေကြတာပါ။ လက်ရှိအခြေအနေမှာလည်း ခေတ္တခဏတိမ်းရှောင်နေရတာကြောင့် ချစ်ခင်ကြတဲ့ မိတ်ဆွေအပေါင်းအသင်းများက သူ့ရဲ့လုံခြုံမှုအတွက် စိတ်ပူပန်နေကြတာပါ။
မကြာသေးခင် မိနစ်ပိုင်းလောက်ကလည်း ညီထွဋ်ခေါင်ရဲ့ လူမှုကွန်ယက်စာမျက်နှာတွင် ဘေးကင်းလုံခြုံတဲ့နေရာမှာ အဆင်ပြေစွာရှိနေကြောင်း စိတ်ပူနေကြသူများအား လိုင်းမိချိန်လေးမှာ ရေးသားပြောပြလာတာပဲ ဖြစ်ပါတယ်။ သူကလည်း " လိုင်းမိတဲ့နေရာ ခုမှရောက်လို့ပါခင်ဗျာ ?
ကျွန်တော် အဆင်ပြေပြေရှိနေပါတယ်ဗျာ?
စိတ်ပူပြီးဂရုတစိုက်မေးပေးတဲ့သူတွေ အားလုံးအားလုံး ကျေးဇူးပါဗျ❤️
#ပြည်သူနှင့်အတူ?❤️
#အရေးတော်ပုံအောင်ရမည်။ " ဆိုပြီး ရေးသားထားတာပဲဖြစ်ပြီး ပရိသတ်တွေအတွက် ဒီသတင်းကို တစ်ဆင့်ပြန်လည် ကူးယူတင်ဆက်ပေးလိုက် ရပါတယ်နော်။
Source and Photo Crd-Nyi Htut Khaung’s Facebook Account