ဈေးရောင်းနေသူချင်းကိုယ်ချင်းစာတဲ့စိတ်ကြောင့် ဈေးသည်တွေဆီက အသီးအရွက်တွေ အများကြီးအားပေးခဲ့တဲ့ ဇာဇာထက်

ကိုယ့်အားကိုယ်ကိုးပြီး ကိုယ်ပိုင်စီးပွားရေးတစ်ခုလုပ်နေတဲ့ ဇာဇာထက်ဟာ ကိုယ်တိုင်လည်း Online Shop လုပ်နေသူမို့ ဈေးသည်တွေရဲ့ဘဝကို အပြည့်အဝနားလည်ပြီး လမ်းမပေါ်မှာ အသီးအရွက်တွေရောင်းနေရတဲ့ဈေးသည်တွေဆီကနေ တတ်နိုင်သလောက် ခပ်များများလေးဝယ်ခဲ့ပါတယ်။ အခုလိုအကျပ်အတည်းကာလတွေမှာ သူမအနေနဲ့လည်း တတ်နိုင်တဲ့ဖက်က လိုအပ်သူတွေကိုအကူအညီပေးနေခဲ့တာပါ။ အကျပ်အတည်းတွေကြားထဲကနေရုန်းကန်ပြီး လက်ရှိအခြေအနေထိ ကိုယ့်အားကိုယ်ကိုးပြီး ဖြစ်တည်လာခဲ့တာကြောင့် သူမရဲ့ရပ်တည်မှုအတွက် အမြဲတမ်းလိပ်ပြာလုံမယ့် ရဲရဲတောက်အမျိုးသမီးတစ်ယောက်လည်းဖြစ်ပါတယ်။

သိပ်ချစ်ရတဲ့မိခင်ကြီးဆုံးပါးသွားပြီးနောက် မောင်နှမတွေအပေါ်မှာ အမကြီးအမိရာ ပီသစွာနဲ့ နေထိုင်လာခဲ့ပြီး Model လုပ်ငန်းကနေရတဲ့ဝင်ငွေလေးတွေကိုစုဆောင်းကာ ကိုယ်ပိုင်လုပ်ငန်းအဖြစ်နဲ့ Online Shop စတင်လုပ်ကိုင်ခဲ့ပါတယ်။ ဒီနောက်မှာတော့ သူမကိုချစ်ခင်ကြသူတွေရဲ့ အားပေးမှုတွေကြောင့် အခြေအနေတစ်ခုထိရောက်လာခဲ့ပြီး ကိုယ်ပိုင်အိမ်တစ်လုံးပိုင်ဆိုင်နိုင်ခဲ့သလို အိမ်ရဲ့အတွင်းပိုင်းကိုလည်း သူမစိတ်ကြိုက်ပြုပြင်နိုင်ခဲ့ပါတယ်။ သူတစ်ပါးအပေါ် စိတ်ကောင်းအမြဲထားတာကြောင့် သူမရဲ့တန်ဖိုးကြီးပစ္စည်းတွေပျောက်တိုင်း အမြဲတမ်းပြန်ရတတ်တဲ့အကြောင်း ပြောပြခဲ့ပါသေးတယ်။

ဈေးသည်တွေဆီကအားပေးခဲ့တဲ့ အသီးအရွက်တွေကို " ဈေးသည်ခြင်း ကိုယ်ချင်းစာသောစိတ်ဖြင့် " ဆိုပြီး အမှတ်တရပုံရိုက်ကာ လူမှုကွန်ယက်မှာဝေမျှခဲ့ပါတယ်။ သူမရဲ့စိတ်ရင်းစေတနာကို သိတဲ့ပရိသတ်တွေကတော့ ဇာ့ကိုအရင်ကထက်ပိုချစ်ပြီး ပိုအားပေးလာခဲ့ပါတယ်။ ဘဝကို အကောင်းဆုံးပုံဖော်နိုင်ပြီး ပြတ်သားတဲ့ဆုံးဖြတ်ချက်တွေနဲ့ မားမားမတ်မတ်ရပ်တည်နိုင်တဲ့ အမျိုးသမီးဖြစ်တာကြောင့်လည်း အခုလိုအနေအထားကိုရောက်ရှိလာခဲ့တာဖြစ်ပါတယ်။

သတင်း အရင်းအမြစ်៖ Zar Htet's FB Acc