အမေရိကန်သံရုံးဝန်ထမ်းတွေကို ထွက်ခွာစေတဲ့ ရုရှားသမ္မတ

အမေရိကန်သံရုံးဝန်ထမ်း (၇၀၀)ကျော်ကို ရုရှားနိုင်ငံထဲကနေ ထွက်ခွာဖို့ ရုရှားသမ္မတ ဗလာဒီမာ ပူတင်က ကြေညာလိုက်ကြောင်း BBC News မှာဖော်ပြထားပါတယ်။ 

ရုရှားနိုင်ငံအပေါ် အမေရိကန်ရဲ့ ပိတ်ဆို့မှုအသစ်တွေ ချမှတ်လိုက်တာကို လက်တုံ့ပြန်တဲ့အနေနဲ့ သမ္မတပူတင်က အခုလို ကြေညာ လို်က်တာပါ။ အမေရိကန်သံရုံးနဲ့ ကောင်စစ်ဝန်ရုံးတွေမှာ လူပေါင်း ၁ ထောင်ကျော် အလုပ်လုပ်နေကြပြီး အဲဒီထဲက (၇၀၀)ကျော်ကို နိုင်ငံထဲက ထွက်ခွာဖို့ သမ္မတပူတင်က ရုရှား ရုပ််သံသတင်းဌာနတခုကိုပြောကြားခဲ့ကြောင်း သတင်းမှာဖော်ပြထားပါတယ်။ 

အမေရိကန် သံရုံးဝန်ထမ်း (၇၀၀)ကျော် ရုရှားနို်င်ငံကနေ ထွက်ခွာလိုက်တာနဲ့ (၂)နိုင်ငံရှိ သံဝန်ထမ်း အရေအတွက်ဟာ (၄၀၀)ကျော် လောက်စီနဲ့ အရေအတွက် အတူတူဖြစ်သွားလိမ့်မယ်လို့ ရုရှားအစိုးရကပြောကြားခဲ့ပါတယ်။အမေရိကန်သံရုံးဝန်ထမ်းတွေကို နို်င်ငံထဲက ထွက်ခွာဖို့ ဆုံးဖြတ်ချက်ကို သောကြာနေ့က ချမှတ်လိုက်တာဖြစ်ပေမဲ့ သမ္မတပူတင်က အခုချိန်မှသာ အတည်ပြုချက် ထုတ်ပြန်လိုက်တာပါ။ အမေရိကန်သံရုံးဝန်ထမ်းတွေအနေနဲ့ စက်တင်ဘာလ ၁ ရက်နေ့ နောက်ဆုံးထားပြီး ရုရှှားနိုင်ငံထဲကနေ ထွက်ခွာရမှာဖြစ်ပါတယ်။

Aung

သတင်းအရင်းမြစ် BBC News