အနုပညာလောကမှာ အမိုက်စား တေးသီချင်း ကောင်းလေးတွေနဲ့ ပရိသတ်တွေရဲ့ တစ်ခဲနက် အားပေးဝန်းရံမှုတွေကို အခိုင်အမာရရှိထားတဲ့ ပြည်သူ့အချစ်တော် အနုပညာရှင်တွေထဲမှာ Idiots အဖွဲ့ဝင် အဆိုတော် ရေမွန်လည်း အပါအဝင်ပါပဲ ။Rock သီချင်း အမိုက်စားလေးတွေနဲ့ ပရိသတ်တွေရဲ့ ရင်ထဲမှာ နေရာအပြည့်ယူထားပြီး ယောင်္ကျားလေးတွေပါမက မိန်းကလေးပရိသတ်တွေကပါ အားပေးနှစ်သက်ကြတာပါ ။
ဒီနေ့ဒီချိန် အထိလည်း ပရိတ်သတ် အားပေးလက်ခံမှု အပြည့်နဲ့ အောင်မြင်မှုရရှိနေတဲ့ ရေမွန်က သီချင်းကောင်းလေးတွေကိုလည်း ကိုယ်တိုင်ရေးသားသီဆိုသူဖြစ်ပြီး Show ပွဲတွေမှာလည်း အားပါးတရဖျော်ဖြေလေ့ရှိသူပါ။ ယနေ့ ဇွန်လ (၂၃) ရက်နေ့မှာတော့ ရေမွန် ရုတ်တရက် ကွယ်လွန်သွားပြီဖြစ်ကြောင်း idiots အဖွဲ့သားများက ဝမ်းနည်းကြေကွဲစွာ လူမှုကွန်ရက် စာမျက်နှာ ထက်မှာဖော်ပြလာပါတယ် ။
ဒီသတင်းကို သိသိချင်း ရေမွန်ရဲ့ ပရိသတ်တွေပါမက အနုပညာရှင်များစွာကလည်း သူတို့ရဲ့ အကောင့်တွေကနေတစ်ဆင့် ဝမ်းနည်းကြောင်း အသီးသီး ဖော်ပြခဲ့ကြပါတယ်။ ရုတ်တရက် ကွယ်လွန်သွားတယ်ဆိုတဲ့ သတင်းက တကယ်ကို မယုံနိုင်စရာပါပဲနော် ။ ပရိသတ်ကြီးအတွက် ရေမွန်ရဲ့ သတင်းလေးကိုဝေမျှပေးရင်း ရေမွန်တစ်ယောက်လည်း ကောင်းရာ သုဂတိလားပါစေ ဆုတောင်းပေးလိုက်ပါတယ် ။