ပြည်သူလူထုကတော့ ဒီကာလမှာ စိတ်မကောင်းစရာသတင်းတွေကို ကြားသိနေရတာပဲဖြစ်ပါတယ်။ဒီနေ့မနက်ပိုင်းမှာလည်း အဆိုတော်ရေမွန် ဆုံးပါးသွားတဲ့သတင်းက ပြည်သူတွေရဲ့ရင်ထဲမှာ ဝမ်းနည်းနာကျင်မှုတွေနဲ့ ပြည့်နှက်သွားခဲ့ရတာဖြစ်ပါတယ်။ရေမွန်က လူထုလှုပ်ရှားမှုတွေမှာဆိုရင်လည်း တက်တက်ကြွကြွပါဝင်ပေးပြီး ပြည်သူတွေနဲ့ တစ်သားတည်းရပ်တည်ပေးခဲ့တာဖြစ်ပါတယ်။ရေမွန်ရဲ့ သီချင်းတွေကိုလည်း ကြိုက်နှစ်သက်ကြတဲ့ ပရိသတ်အများအပြားရှိလို့ အခုချိန်မှာ သီချင်းလေးတွေက အမှတ်တရအနေနဲ့ ကျန်ရစ်ခဲ့ပြီဖြစ်ပါတယ်။
ရေမွန်က ငှက်ဖျားရောဂါနဲ့ဆုံးပါးသွားတယ်ဆိုပြီး ကနဦးသတင်းတွေထွက်လာပေမယ့် အဲ့ဒီသတင်းက အမှားသာဖြစ်ကာ အစာအိမ်သွေးကြောပေါက်လို့ အခုလိုရုတ်တရက်ကွယ်လွန်သွားကြောင်း သိခဲ့ရပါတယ်။ပြည်သူတွေကတော့ သူတို့အရမ်းကြိုက်နှစ်သက်ရတဲ့အဆိုတော်လည်း ဖြစ်တဲ့အပြင် လက်ရှိအခြေအနေမှာလည်း ပါဝင်လှုပ်ရှားပေးနေတဲ့ သူ့ကို နှမျောတသဖြစ်ပြီး ယူကြုံးမရဖြစ်နေကြတာဖြစ်ပါတယ်။ရေမွန်ရဲ့ ကျန်ရစ်သူမိသားစုဝင်တွေဆိုရင် ဘယ်လောက်တောင်ကြေကွဲဝမ်းနည်းနေကြမလဲဆိုတာကို ကိုယ်ချင်းစာမိပါတယ်။
အခုဆိုရင်တော့ ရေမွန်ကို အားပေးတဲ့ပရိသတ်တစ်ဦးက သူ့ရဲ့သီချင်းလေးကို စာရွက်ပေါ်မှာရေးသားပြီး YBS ကားပေါ်မှာ ကပ်ခဲ့တာဖြစ်ပါတယ်။အခုလိုမျိုး ရုတ်တရက်ခွဲခွါသွားတဲ့ ရေမွန်အတွက် သူ့ရဲ့ပရိသတ်တွေကလည်းထိခိုက်ခံစားနေရတာပဲဖြစ်ပါတယ်။ဆေးကုသမှုခံယူခဲ့ပေမယ့် အချိန်မမှီလိုက်လို့ လူ့အသက်တစ်ချောင်းဆုံးရှုံးလိုက်ရတဲ့အဖြစ်အပျက်ကြောင့် ပြည်သူတွေလည်း နာကျင်ရတာဖြစ်ပါတယ်။ရေမွန်ရဲ့ ပရိသတ်တွေကတော့ သူ့ရဲ့သီချင်းလေးတွေကို ပြန်ကြားယောင်ပြီး ဖြည်မဆည်နိုင်အောင် ဝမ်းနည်းနေကြတဲ့အကြောင်းလေးကို ပြန်လည်မျှဝေပေးလိုက်ပါတယ်။
Source&Photo Credit: Original Uploder
Bong I.T