ကိုရီးယားဒရမ်မာတွေက မြန်မာပရိသတ်တွေနဲ့လည်းမစိမ်းတော့သလို ကိုရီးယားမင်းသမီးအများစုကလည်း မြန်မာမိန်းကလေးပရိသတ်တွေသာမက ယောကျာ်းလေးပရိသတ်တွေရဲ့အားပေးမှုတွေကို အပြည့်အ၀ရရှိထားကြတဲ့သူလေးတွေပါ။ ဒီကနေ့မှာဆိုရင်လည်း ပရိသတ်တွေချစ်ကြတဲ့ ကိုရီးယားမင်းသမီးလေးအချို့ရဲ့အကြောင်းကိုတင်ဆက်ပေးချင်ပါတယ်။ တောင်ကိုရီးယား Netizenတွေရဲ့voteပေးရွေးချယ်မှုတွေအရ ဒရမ်မာထဲမှာအပီပြင်ဆုံးနဲ့ အကောင်းဆုံးကာရိုက်တာအနေနဲ့အံ၀င်ဂွင်ကျဖြစ်ကာ ပရိသတ်အကြိုက်တွေ့ခဲ့တဲ့ အမျိုးသမီးဇာတ်ကောင် ( ၃)ဦးကိုဖော်ပြပေးချင်ပါတယ်။
No.1 အနေနဲ့ True Beauty ဒရမ်မာထဲမှာ Lim JuGyeong အနေနဲ့သရုပ်ဆောင်ခဲ့တဲ့ Moon GaYoungပဲဖြစ်ပါတယ်။ ရုပ်ရည်ကြောင့်အထက်တန်းကျောင်းမှာ အနိုင်ကျင့်ခံခဲ့ရပြီးနောက်မှာ ကျောင်းပြောင်းရွှေ့ခဲ့ပြီး မိတ်ကပ်ပြင်ဆင်မှုကြောင့် ပေါ်ပြူလာဖြစ်သွားခဲ့ရတဲ့ မိန်းကလေးတစ်ဦးအနေနဲ့သရုပ်ဆောင်ထားတာပါ။ သူမဟာ ဒီဇာတ်ကားထဲမှာဆိုရင်ပရိသတ်တွေကို မထင်မှတ်ထားတဲ့သရုပ်ဆောင်ချက်တွေနဲ့ ဟာသဇာတ်ကွက်လေးတွေကြောင့် အတော်လေးအောင်မြင်မှုရရှိခဲ့တာပါ။
No.2အနေနဲ့ Run On ဆိုတဲ့ဒရမ်မာထဲမှာ Oh MiJoo ဆိုတဲ့ကာရိုက်တာအနေနဲ့သရုပ်ဆောင်ခဲ့တဲ့ Shin SeKyungပါ။ သူမဟာ ဒီဒရမ်မာထဲမှာဆိုရင် အလုပ်ကြိုးစားတဲ့ ရုပ်ရှင်ဇာတ်ကားဘာသာပြန်တစ်ဦးအနေနဲ့သရုပ်ဆောင်ထားတာဖြစ်ပါတယ်။ သူမဟာ ရုပ်ရှင်အကြောင်းတွေနဲ့ အလုပ်နဲ့ပက်သက်ရင် အရမ်းဂရုစိုက်ပြီးအသည်းအသန်ဖြစ်လွန်းတဲ့ကာရိုက်တာကို ပိုင်နိုင်စွာသရုပ်ဆောင်ထားတာဖြစ်ပါတယ်။
No.3အနေနဲ့ River Where the Moon Rises ဆိုတဲ့ ဒရမ်မာထဲမှာ Princess Pyeong Gangအနေနဲ့ သရုပ်ဆောင်ထားတဲ့ Kim SoHyun ပါ။ သူမက ဒီဒရမ်မာထဲမှာဆိုရင် ငယ်ရွယ်စဉ်ကသူမ၏မိခင်အသတ်ခံရမှုကိုမျက်မြင်တွေ့ခဲ့ရချိန်မှစကာ သူမ၏ရည်မှန်းချက်များအောင်မြင်ရေးအတွက်လက်စားချေရန်နှင့်တိုင်းပြည်ကိုကာကွယ်ရန်ရုန်းကန်နေရတဲ့ မင်းသမီးတစ်ပါးအနေနဲ့သရုပ်ဆောင်ထားတာပါ။ ဒီဇာတ်ကားထဲမှာဆိုရင် တိုက်ခိုက်ရတဲ့အခန်းများစွာလည်းပါ၀င်ပြီး သူမဟာ လက်ရုံးရည်ရောနှလုံးရည်ပါပြည့်၀တဲ့ နိုင်ငံ့မင်းသမီးတစ်ပါးအနေနဲ့သရုပ်ဆောင်ခဲ့တာဖြစ်ပါတယ်။
သတင်း အရင်းအမြစ်៖ Twitter
Bong I.T