"Last Meal" ဆိုတာဟာ သေဒဏ်အမိန့်ချခံထားရတဲ့ ရာဇဝတ်သားများရရှိတဲ့ သူ့ဘဝရဲ့ နောက်ဆုံးအခွင့်အရေး တစ်ခုလို့ ဆိုရမှာ ဖြစ်ပါတယ်။ နိုင်ငံတိုင်းနီးပါးမှာ သေမိန့်ကျထားတဲ့ အကျဉ်းသားတစ်ဦးဟာ သေဒဏ်မစီရင်မီ တစ်ရက် အလိုမှာ သူ့ရဲ့ ဆန္ဒအတိုင်း နောက်ဆုံးညစာနှင့် ဘာသာရေး ကျင့်ဝတ်တစ်ခုကို တောင်းဆိုခွင့်ရှိပါတယ်။ အဲ့လိုတောင်းဆိုမှုတွေထဲကမှ ကမ္ဘာကျော် သေမိန့်ကျ ရာဇဝတ်သားများရဲ့ နောက်ဆုံးတောင်းဆိုခဲ့တဲ့ အရာတွေကို ပြန်လည်ဖော်ပြလိုက်ပါတယ်။
၁၉၆၂ ခုနှစ်က ဒုတိယကမ္ဘာစစ် ရာဇဝတ်သား ဂျာမနီလူမျိုး အဒေါ့အိုက်ခမန်း(Adolf Eichmann) ကို အစ္စရေး နိုင်ငံမှည ကြိုးမိန့်ပေးခဲ့ရာ နောက်ဆုံးအစာကို ငြင်းပယ်ခဲ့ပြီး အစ္စရေး ဝိုင်အရက်ကိုသာ တစ်ဝက်နီးပါး သောက်သွားခဲ့ပါတယ်။
၁၉၃၁ ခုနှစ်က ဂျာမနီနိုင်ငံမှာ ခေါင်းဖြတ်စက်ဖြင့် သေဒဏ်ချမှတ်ခံရသူ (Peter Kurten) ဟာ "သွေးစုတ်ဖုတ်ကောင်"လို့လည်း နာမည်ကြီးခဲ့သူဟာ အာလူးကျော်နှင့် ဝိုင်ဖြူ တစ်ပုလင်းကို တောင်းခံခဲ့ပါတယ်။
စင်္ကာပူက လူသတ်တရားခံ "John Martin Scripps" ဟာ ၂၀၀၆ ခုနှစ်က ကြိုးစင် မတက်မီ ပီဇာတစ်ခုနှင့် ချောကလက်ပူပူ တစ်ခွက်တို့ကို စားသောက်သွားခဲ့ပါတယ်။
အမေရိကန်နိုင်ငံ အောကလာဟိုမားတွင် အကြမ်းဖက် ဗုံးခွဲမှုကြောင့် သေဒဏ်ကျခဲ့သော "Timothy Mc Veigh" ဟာ ၂၀၀၁ ခုနှစ်က ဆေးထိုး စီရင်ခဲ့ရာတွင် ချောကလက် ရေခဲမုန့် ၂ ခုကိုသာ စားသွားခဲ့ပါတယ်။
သတင်း အရင်းအမြစ်៖ Mirror