လတ်တလောမှာ မြန်မာပြည်သူတွေဟာ အာဏာရှင် ဖိနှိပ်မှုဒဏ်တွေကို ခံစားနေရတဲ့ ကြားကနေ တစ်ကျော့ပြန်ဖြစ်ပွားလာတဲ့ ကိုဗစ်ရောဂါကိုလည်း ဒုက္ခမျိုးစုံဖြင့် အလူးအလဲခံစားနေရတာကို တွေ့ရပါတယ်။ ကိုဗစ်ကို ကုသဖို့အတွက်ဆေးမရှိတာကြောင့် ကိုယ်ခံအားအောင်ကြိုးစားနေကြရပြီး အာဟာရဓာတ်ပြည့်ပြည့်၀၀စားသောက်နေကြဖို့အရေးကြီးလှပါတယ်.....။
ကိုဗစ်ကူးစက်မှုတွေဟာ အိမ်လုံးကျွတ်ကူးစက်မှုတွေအထိဖြစ်ပေါ်နေတာကြောင့် အလံဖြူ၊အလံဝါထောင်ကာ အကူအညီတောင်းခံနေကြတဲ့အိမ်တွေလည်း ရှိနေပြီး စား၀တ်နေရေးကြပ်တည်းတာကြောင့် မစားမသောက်နိုင်ဖြစ်နေကြတဲ့သူတွေလည်း ရှိနေပါတယ်။ အခုလိုအခက်အခဲတွေကို ကူညီဖို့အတွက် လူငယ်ဟာသလူရွှင်တော်လေးစုပေါင်းပြီး တတ်နိုင်သရွေ့အလှူလေးတွေပြုလုပ်ပေးနေကြတာကို တွေ့ရပါတယ်။
လူရွှင်တော် ပလာတာတို့ဦးဆောင်တဲ့ ပြည်သူအပေါင်းလူရွှင်တော်ပရဟိတအသင်းက နာမကျန်းဖြစ်တဲ့ အိမ်တွေနဲ့ အလံဝါအလံဖြူ ထောင်ထားတဲ့ အိမ်တွေကို အစားအသောက်တွေ ဆေးဝါးတွေလိုက်လံပို့ဆောင်ပေးနေပြီး အောက်ဆီဂျင်ကူညီမှုတွေအပြင် Dead bodyသယ်ယူမှုတွေအထိ လိုက်လံကူညီပေးနေကြတာဖြစ်ပါတယ်။ ပရိသတ်တွေအတွက် ပြန်လည်ဖော်ပြပေးလိုက်ပါတယ်။
သတင်း အရင်းအမြစ်៖ Myanmarload