အိချောပို ပြောတဲ့ "ပွဲခံမယ်"ရုပ်ရှင်ဇာတ်ကားအကြောင်း

"အိချောပိုကို ဒီဇာတ်လမ်းက နည်းနည်းကြမ်းတယ် ရိုက်ရဲလားလို့ ဒါရိုက်တာဦးစတီးလ် ကပြောပါတယ်။ဒီဇာတ်ကိုဖတ်ကြည့်လိုက်ချိန်မှာ ကိုယ်တစ်ခါမှမရိုက်ဖူးတဲ့ ကာရိုက်တာမို့ ရိုက်မယ်လို့ လက်ခံဖြစ်လိုက်တာပါ။ဒီကာရိုက်တာက မြန်မာဝတ်စုံလေးတွေ ဝတ်ဆင်ထားပေမဲ့ သိပ်အနုအရွလေးလည်းမဟုတ်ဘူး။တချို့အခန်းတွေဆိုရင် ဘုနဲ့ဘောက်ပြောရတာတွေလည်းပါတယ်။ဇာတ်ကားထဲမှာ ငယ်ငယ်ကတည်းက ကိုယ့်အသက်သခင် ကျေးဇူးရှင်လိုဖြစ်နေတဲ့ ကောင်လေးအပေါ်သံယောဇဉ်တွယ်ပြီးချစ်သွားခဲ့တယ်။ဒီကောင်လေးရဲ့စကားတစ်ခွန်းပဲဒီကောင်လေးပြောသမျှလက်ခံတယ်။မိဘတွေ၊အဒေါ်တွေကို ပြန်ပြောတဲ့သူ တစ်ယောက်နေရာမှာပါ။နောက်ဆုံးသေတော့လည်း သူပြောခဲ့၊ဆိုခဲ့တဲ့ဝဋ်တွေပြန်လည်ပြီး မရှု့မလှသေခဲ့ရတယ်

အိချောကတော့ အတက်နိုင်ဆုံးကြိုးစားပြီးသရုပ်ဆောင်ပါတယ်။ဒါရိုက်တာကလည်း သူလိုချင်တဲ့ပုံစံပြောတယ်။ကိုယ်ကတည်း ဖြစ်နိုင်၊မဖြစ်နိုင် ပြီးတော့ကိုယ်ဘယ်လိုအကြောင်းဆုံးဖန်တီးနိုင်မလဲပေါ့။အိချော ဒီဇာတ်ကားရိုက်ကူးချိန်မှာအရမ်းပင်ပန်းပါတယ်။ရေကန်ထဲ ကျသွားတဲ့အခန်းတွေ၊တချို့လှည်းဘီးပေါ်တင်လှည့်တဲ့အခန်းဆိုရင် အိချောအရမ်းလည်းကြောက်ပါတယ်။ကိုယ့်ခန္ဓာကိုယ်က ထွားတော့လှည်းဘီးပေါ်မှာ ခန္ဓာကိုယ်ကဆံ့ပါ့မလား လို့ အရမ်းစိုးရိမ်စိတ်ဖြစ်ခဲ့ရပါတယ်။အိချောတို့ ဒီဇာတ်လမ်းမှာပါတဲ့ သရုတ်ဆောင်တွေအကုန်လုံးက တက်ညီလက်ညီနဲ့ သူ့အခန်း ကိုယ့်အခန်းရယ်လို့ အဟုတ်ပါဘူး။အကုန်လုံးကကိုယ်ပါဝင်တဲ့နေရာကို အားလုံးဂရုစိုက်ပြီး ကြိုးစားကြပါတယ်။ဒါကြောင့် ဒီဇာတ်ကားကြီးရုံတင်ရင်လာရောက်အားပေးကြပါအုံးလို့" အိချောပိုကပြောပါတယ်။