ကမ္ဘာပေါ်မှာထူးထူးခြားခြားပုံစံမျိုးနဲ့ မွေးဖွားလာတဲ့လူတွေဆိုတာ အများကြီးပါပဲ။ ဒါပေမယ့် ဒီတစ်ခုကတော့ ပိုပြီးထူးဆန်းပါတယ်။ ဘာလို့လဲဆိုတော့ ဆွေစဉ်မျိုးဆက် ဆိုသလို မွေးကတည်းကထူးဆန်းစွာ ခန္တာကိုယ်တစ်ခုလုံးအမွှေးအပြည့်နဲ့ မွေးဖွားလာတဲ့ မိသားစုတစ်စုဖြစ်လို့ပါပဲ။ သူတို့ရဲ့အမွှေးတွေဟာ ကြောက်စရာကောင်းလောက်အောင်မျက်နှာထိပါ တက်ပြီးပေါက်နေပါတယ်။
သူတို့မိသားစုကိုတော့ ရမ်မို့စ် ဂွန်းမက်ဇ် လို့ခေါ်ပြီး မက္ကစီကိုနိုင်ငံသား လူထူးဆန်းတွေပဲဖြစ်ကြပါတယ်။ မိသားစုဝင် ၁၉ ယောက်ရှိပြီး ဒီလိုမျိုး မျောက်ဝံတွေလိုမျက်နှာမှာအမွှေးတွေပေါက်ခဲ့တာကတော့ မျိုးဆက်(၅)ဆက်လောက်ကိုရှိနေပါပြီ။ Gomez မိသားစုဝင်တွေထဲမှာ ဗစ်တာလာရီ၊ ဂတ်ဗရီယယ် ဒန်နီ၊ လူရီဆာ လေလာနဲ့ ဂျိစ့်မန်နူရယ်တို့လေးယောက်ကတော့ ထူးထူးခြားခြား အမွှေးတွေနဲ့ ကြောက်စရာကောင်းလောက်အောင် ပေါက်နေကြသူတွေပဲဖြစ်ပါတယ်။
သူတို့တွေ လူကြားထဲသွားတဲ့အခါမှာ မျက်နှာကအမွှေးတွေကိုရိပ်တဲ့အခါရိပ် ဖုံးတဲ့အခါဖုံးပြီး အမြဲလိုလိုအင်္ကျီ လက်ရှည်ကြီးတွေကိုသာဝတ်ဆင်ပြီး သွားရပါတယ်။ မိသားစုထဲက လာရီနဲ့ ဒန်နီကတော့ မက္ကဆီကန် အမျိုးသား ဆက်ကပ်အဖွဲ့မှာ အလုပ်လုပ်လျက်ရှိတယ်လို့ဆိုပါတယ်။ ဒီလိုမျိုးရိုးလိုက်ပြီး CGH( congenital generalized hypertrichosis ) ဖြစ်တာနဲ့ ပတ်သတ်ပြီးတော့ သိပ္ပံပညာရှင်တွေဖြေရှင်းချက်အရ X ခရိုမိုဇုန်းရဲ့ အမှတ်အသားတွေ ရှုပ်ထွေးစွာချိတ်ဆက်ထားမှုကြောင့် ဖြစ်ရတာလို့ဆိုထားပါတယ်။ နောင်သားစဉ်မြေးဆက်လည်း ဒီလိုတွေဆက်ဖြစ်ကောင်းဖြစ်လိမ့်မယ်လို့လည်း ဆိုထားပါတယ်။
သတင်း အရင်းအမြစ်៖ Guinness world records