Myanmar Idol ပြိုင်ပွဲကနေတစ်ဆင့် အနုပညာလောကထဲ ထိုးဖောက်ဝင်ရောက်လာခဲ့တဲ့ အဆိုတော်မူးလာကတော့ လက်ရှိမှာ လွတ်မြောက်နယ်မြေကို ရောက်ရှိနေပြီပဲ ဖြစ်ပါတယ်။ အရေးတော်ပုံကြီး စတင်ခဲ့တဲ့ ဖေဖော်ဝါရီလအစပိုင်းကတည်းက လမ်းပေါ်ထွက်လူထုလှုပ်ရှားမှုတွေမှာ တက်တက်ကြွကြွပါဝင်ခဲ့သလို အခုအချိန်မှာလည်း လွတ်မြောက်နယ်မြေကနေ အစွမ်းကုန်ကြိုးစားပါ၀င်နေတာ ဖြစ်ပါတယ်။
မူးလာကတော့ လွတ်မြောက်နယ်မြေရောက်ရှိနေတဲ့ အချိန်မှာလည်း သီချင်းတွေရေးကာ သူ့ရဲ့အနုပညာအလုပ်တွေနဲ့ ပြည်သူတွေကို စိတ်ခွန်အားပေးနေပြီး တော်လှန်ရေးရဲဘော်တွေရဲ့ လိုအပ်ချက်တွေကိုလည်း တတ်နိုင်သမျှ လှူဒါန်းပေးနေတာဖြစ်ပါတယ်။ NUG အစိုးရဘက်ကနေ ဒီဒေးကြေငြာလိုက်ပြီးနောက်မှာတော့ ပြည်သူတွေအနေနဲ့လည်း ပြင်ဆင်စရာရှိတာတွေ ပြင်ဆင်ထားကြဖို့ လိုပါတယ်။
မူးလာကလည်း သူ့ရဲ့ Facebookစာမျက်နှာကနေ ဒီဒေးကြေငြာလိုက်ပြီဖြစ်လို့ ပြည်သူတွေအနေနဲ့ သတိကြီးကြီးထားကြဖို့လိုကြောင်း၊ ကြောက်ဖို့မလိုပဲ တစ်ဦးတစ်ယောက်ဆီ ဝိုင်း၀န်းကူညီ ထောက်ပံ့ပေးကြဖို့လိုကြောင်း ပြောလာခဲ့ပါတယ်။ ဒါမှသာ ဖယ်ဒရယ်နိုင်ငံသစ်ဆီကို ဦးတည်နိုင်မှာဖြစ်ကြောင်းကိုလည်း တင်ပေးလာခဲ့တာဖြစ်ပါတယ်။
သတင်း အရင်းအမြစ်៖ Saw Chris Mooler's Facebook acc