Cristiano Ronaldo ဆိုရင် တကယ်ကို ထူးချွန်တဲ့ ပေါ်တူဂီနိုင်ငံသား ဘောလုံးကစားသမားဆိုတာ အားကစားပရိတ်သတ်အများစုက သိပြီးသားဖြစ်မှာပါ။
ဘောလုံးအားကစားမှာ အထူးကျွမ်းကျင်တဲ့အပြင် ကျန်းမာရေးလိုက်စားလွန်းတာကြောင့်လည်း ယောကျာ်းလေး ပရိတ်သတ်အပြင်
မိန်းကလေးပရိတ်သတ်များကြားမှာပါ
ရေပန်းစားနေခဲ့တာလည်း ယနေ့အချိန်အထိပဲဖြစ်ပါတယ်။
သူဟာ မန်ချက်စတာယူနိုက်တက်မှ ၂၀၀၉ ခုနှစ်တွင် ပြောင်းရွှေ့သွားတာဖြစ်ပြီး ယခု နှစ်ရာသီမှာတော့ သူ့ရဲ့ အိမ်ဖြစ်တဲ့ မန်ချက်စတာယူနိုက်တက်အသင်းဆီပြန်ရောက်လာခဲ့ပြီဖြစ်ပါတယ်။
ယူရို ၁၅သန်း + ၈သန်းနဲ့ ဂျူဗင်တပ်အသင်းမှ ရောင်းချထားတယ်လို့လည်း သတင်းဖော်ပြချက်တွေအရ သိရပါတယ်။
သိပ်မကြာသေးခင်ကလည်း မန်ချက်စတာယူနိုက်တက်ကိုပြန်လာရတာဟာ သူ့အတွက် တကယ် စိတ်ကျေနပ်စရာကောင်းကြောင်း၊ ဒီ အသင်းမှာ သမိုင်းသစ်တစ်ခုကိုဖန်တီးချင်လို့ ပြန်လာတာဖြစ်ကြောင်း ဖော်ပြခဲ့ဖူးပါသေးတယ်။
လာမယ့် September 11 ရက်နေ့မှာကန်မယ့် မန်ချက်စတာယူနိုက်တက် နဲ့ နယူးကာဆယ် ပွဲစဥ်မှာတော့
CR7 ပါဝင်လာမယ်လို့ ခန့်မှန်းပြောဆိုနေကြပါတယ်။
ဒါ့အပြင် ကျောနံပါတ် ၇ ကိုလည်းဝတ်ဆင်သွားမယ်လို့ သိရပါတယ်။
သူကိုယ်တိုင်ကလည်း ဒီပွဲမှာပါဝင်ရဖို့ နည်းပြ ဆိုးရှားကိုဖိအားပေးဦးမယ်ဆိုပြီး ဟာသအနေနဲ့ပြောဆိုထားတယ်လို့လည်းကြားသိရပါတယ်။ အားလုံးရဲ့အချစ်တော် ဖြစ်တဲ့ CR7 အနေနဲ့ September 11 မှာဆော့မယ့် ကစားပွဲမှာ ဘယ်လိုခြေစွမ်းတွေနဲ့ အစွမ်းပြမလဲဆိုတာတော့ အားလုံးအတူတူစောင့်ကြည့်ကြရအောင်နော်။