စက်တင်ဘာလ (၁၄)ရက်နေ့ ယနေ့မနက်မှာတော့ အဲဗာတန်အသင်းနဲ့ ဘန်လေအသင်းတို့ ပရီးမီးယားလိဒ်ပွဲစဥ်အဖြစ် ယှဥ်ပြိုင်ကစားခဲ့ကြပါတယ်။နည်းပြဘင်နီတပ်စ်ကိုင်တွယ်နေတဲ့ အဲဗာတန်အသင်းဟာ လူစုံထုတ်သုံးလာခဲ့တာ ဖြစ်ပေမယ့် ဘန်လေအသင်းရဲ့ ဦးဆောင်ခြင်းကို ခံခဲ့ရပါတယ် ။ ဘန်လေအသင်းကလည်း လူစုံထုတ်လာခဲ့တယ်လို့ ဆိုရမှာဖြစ်ပြီး ဘန်လေအတွက် ဦးဆောင်ဂိုးကို အသက်(၃၁)နှစ်အရွယ်ရှိပြီဖြစ်တဲ့ ben mee ကပွဲချိန် (၅၃)မိနစ်မှာ သွင်းယူပေးခဲ့တာ ဖြစ်ပါတယ်။

Photo Credit: Original Uploder
Photo Credit: Original Uploder

အဲဗာတန်အသင်းတို့ ပြိုင်ဘက်ရဲ့ ဦးဆောင်ခြင်းခံရပေမယ့် အကောင်းဆုံးတိုက်စစ်ဆင်နိုင်ခဲ့ပြီး ချေပဂိုးနဲ့ အနိုင်ဂိုးတွေ သွင်းယူကာ (၃)ဂိုး (၁)ဂိုးနဲ့ အဲဗာတန်အသင်းတို့ အနိုင်ရရှိခဲ့ပါတယ်။ အဆိုပါပွဲစဥ်မှာ ထူးခြားတာတစ်ခုက အဲဗာတန်အသင်းဟာ (၆)မိနစ်အတွင်း ပြိုင်ဘက်အသင်းကို (၃)ဂိုးအထိ ဂိုးသွင်းယူခဲ့တာပဲ ဖြစ်ပါတယ်။ အဲဗာတန်အသင်းအတွက် ဂိုးတွေကိုတော့ Gray ၊ Townsend ၊ Keane တို့က ပွဲချိန် (၆၀)မိနစ်၊ (၆၅)မိနစ်၊ (၆၆)မိနစ်တို့မှာ တစ်ဂိုးစီသွင်းယူပေးခဲ့တာပဲ ဖြစ်ပါတယ်။

Photo Credit: Original Uploder
Photo Credit: Original Uploder

ဘန်လေအသင်းကို ဂိုးပြတ်အနိုင်ရရှိတာကြောင့် အဲဗာတန်အသင်းဟာ ပရီးမီးယားလိဒ်ချန်ပီယံအသင်းဖြစ်တဲ့ မန်စီးတီးအသင်းရဲ့ အပေါ်အဆင့်(၄)နေရာကို ရောက်ရှိလာခဲ့ပြီ ဖြစ်ပါတယ်။ ဘန်လေအသင်းကတော့ အဆိုပါရှုံးပွဲကြောင့် တန်းဆင်းဇုန်ထဲကို ရောက်ရှိသွားပြီး အဆင့်(၁၈)နေရာမှာ  ရပ်တည်လျက်ရှိနေပါတယ်။ ဘန်လေအသင်းကို ဂိုးပြတ်အနိုင်ရရှိခဲ့တဲ့ အဲဗာတန်အသင်းရဲ့ ဟိုက်လိုက်ဗီဒီယိုဖိုင်ကို ပြန်လည်ဖော်ပြပေးလိုက်ပြီး အဆိုပါဗီဒီယိုဖိုင်ကို အောက်မှာကြည့်နိုင်ပါတယ်။

Source : Original Uploder

Photo Credit: Original Uploder
Photo Credit: Original Uploder

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။